15.03.2020 / 14:07

УЕФА прыдумала, што рабіць з Лігай чэмпіёнаў і Лігай Еўропы ў гэтым годзе 1

Саюз еўрапейскіх футбольных асацыяцый (УЕФА) можа правесці вырашальныя стадыі еўракубкаў у фармаце «Фіналу чатырох». Пра гэта паведамляе ТАСС са спасылкай на іспанскае выданне AS.

«Фінал чатырох» прадугледжвае правядзенне па адным паўфінальным матчы замест серый з дзвюх гульняў і фіналу на працягу чатырох дзён у адным горадзе.

Мяркуецца, што «Фінал чатырох» Лігі чэмпіёнаў пройдзе ў турэцкім Стамбуле, Лігі Еўропы — у польскім Гданьску (на дадзены момант у гэтых гарадах запланавана правядзенне фіналаў сёлетніх розыгрышаў еўракубкаў). Гэтая мера можа быць уведзена для скарачэння колькасці гульняў, што дасць магчымасць выкарыстоўваць вызваленыя дні для правядзення гульняў нацыянальных першынстваў, прыпыненых з-за распаўсюджвання каранавіруса.

Нагадаем, што Ліга чэмпіёнаў была перапыненая на стадыі 1/8 фіналу, ужо вызначаны чатыры ўдзельнікі 1/4 фіналу (французскі ПСЖ, італьянская «Аталанта», іспанскі «Атлетыка», нямецкі «Ляйпцыг»). Матчы, што павінны прайсці на наступным тыдні, адмененыя.

У Лізе Еўропы прайшлі шэсць з васьмі першых матчаў 1/8 фіналу. Абодва турніры таксама былі прыпыненыя з-за каранавіруса.

Увядзенне фармату «Фіналу чатырох» будзе абмяркоўвацца ў аўторак на відэаканферэнцыі, у якой возьмуць удзел прадстаўнікі 55 еўрапейскіх асацыяцый, якія ўваходзяць у склад УЕФА. Мерапрыемства будзе прысвечана абмеркаванню сітуацыі з каранавірусам.

Хочаш падзяліцца важнай інфармацыяй ананімна і канфідэнцыйна?

1
алекс / Адказаць
15.03.2020 / 19:31
У Магілёве такое правадзіць нада. Каронавіруса нету і на стпдзіон ўсем рабятам прымеры нікаво не пусьцят. Красата. Ўсе шчаслівы!))
Каб пакінуць каментар, калі ласка, актывуйце JavaScript у наладах свайго браўзеру