Пра гэта музыка паведаміў у сваім фэйсбуку.
«Мы планавалі зладзіць 25 сакавіка, у гадавіну абвяшчэння БНР, паўнавартасны электрычны канцэрт з бясплатным уваходам. Абвясціць яго за пару дзён да даты з асаблівым сюрпрызам, вельмі важным для мяне. Зараз сітуацыя вымушае змяніць і гэтыя планы. Але ўгодкі БНР адкласці немагчыма. Таму мы зайграем вялікі электрычны канцэрт 25 сакавіка, але — у рэжыме #online. Праспяваем найлепшыя песьні, павіншуем адно аднаго, паразмаўляем з вамі — сусветнае сеціва гэтае дазваляе», — напісаў Лявон Вольскі..
«І падорым той самы сюрпрыз, які рыхтаваўся. Да ўсяго, у такога фармату ёсьць свае неацэнныя плюсы - наведаць канцэрт можна будзе з любой кропкі свету. 25 сакавіка, 20:00», — дадаў ён.
На канале: VolskiVideo
Раней Лявон Вольскі адмяніў запланаваны на 17 сакавіка канцэрт, прысвечаны Дню святога Патрыка.
Каментары