Балгарыя будзе даплачваць 1000 леваў (566 даляраў) штомесяц усім медыкам, якія ўдзельнічаюць у барацьбе з каранавірусам. Пра гэта паведаміў прэм'ер-міністр краіны Бойка Барысаў.
Сярэдні заробак у Балгарыі складае 760 даляраў, або прыкладна на 40% больш, чым у Беларусі. Балгарыя пры гэтым застаецца самай беднай краінай Еўрасаюза. У суседняй Румыніі сярэдні заробак перавысіў 1200 даляраў.
