18.03.2020 / 00:17

Мінскі хлопец, які падчапіў «карону», вядзе тэлеграм-канал проста з інфекцыёнкі 13

«Думаў, што вязуць у лес, дзе крывавая гэбня спаліць мяне ў крэматорыі», — з гумарам апісвае ён свае ўражанні пры перавозцы.

«Me and COVID-19» — «Я і COVID-19». Так назваў свой канал хлопец з Мінска, калі 15 сакавіка ўначы яго забралі на каранцін. Праз суткі выявілася, што нездарма заграблі. Аналіз паказаў каранавірус, і хлапчука перавезлі з ізаляцыі ў Бараўлянах у інфекцыёнку.

Увесь гэты час ён вядзе свой канал — з гумарам і пазітывам (і амаль без лаянкі).

Беларускія дактары дзейнічалі без прамаруджвання, хлопца паднялі ўначы, як толькі выявілі, што ён быў кантактам «першага кола».

«Учора а гадзіне ночы мне патэлефанавалі з эпідэміялогіі, выявілася, што ў майго сябра станоўчы тэст на каранавірус, а мы нядаўна вярнуліся разам з Польшчы. Сказалі, што я кантакт першага ўзроўню, адпраўляюць на каранцін і я буду рабіць аналізы на карону», — пісаў хлопец учора.

У сувязі з той атмасферай недагаворак, якой суправаджалі эпідэмію дзяржаўныя органы і СМІ мінулыя дні, адчуванні ў хлопца былі спецыфічныя, ён сам гэта апісаў з гумарам:

«Я ехаў у сваёй вопратцы і ў масцы. Калі ехаў, думаў, што вязуць у лес, дзе крывавая гэбня спаліць мяне ў крэматорыі або абколе чымсьці, і я стану даўба.бам».

Тэмпературы ў яго спачатку не было.

Размясцілі яго ў шпіталі для ветэранаў у Бараўлянах, прыстасаваным пад часовы пункт ізаляцыі людзей з рызыкай заражэння.

«Дактары ўсе ў спецхалатах, сказалі мыць рукі, апрацоўваць антысептыкам. Пацешна, што антысептык адразу скончыўся, а мыла проста сп..дзілі», — расказвае ён.

Чытайце таксама: Медыкі мінскай траўматалогіі, якую зрабілі інфекцыёнкай: «Выдалі адзін камбінезон і рэспіратар! І так працаваць?»

Людзі ў шпіталі маюць магчымасць хадзіць па калідорах, але абавязаныя пры гэтым насіць маскі, якія раздаюць медсёстры. Увесь персанал шпіталя носіць абарончыя касцюмы.

Аўтар стаў фуд-блогерам міжволі. Абед на каранціне

Калі прыйшоў станоўчы вынік пробы, хлопцу не адразу сказалі, што ён мае «карону», спачатку распыталі пра кола кантактаў і актыўнасць за апошнія дні. Тады паведамілі пра тое, што вынік аналізу пазітыўны.

У інфекцыёнку на Крапоткіна яго везлі ўжо ў знакамітай чырвонай капсуле, якая мае шанцы стаць сімвалам гэтага года.

Чытайце таксама: Чаму ў Італіі працэнт смяротнасці такі высокі?

«Уся хвароба працякае як звычайнае ВРВІ, па той прычыне што пацыент малады, ускладненняў не павінна быць, але сто працэнтных гарантый даць нельга», — сказаў хлапчуку доктар.

Усяго па стане на сёння ў Беларусі паведамілі пра 36 выпадкаў захворвання на каранавірус. 35 з іх — лёгкія. Пакуль наша краіна застаецца на перыферыі пандэміі каварнага віруса, ад якога ў свеце памерла ўжо 8000 чалавек.

Чытайце таксама: Бізнэсмен прывёз каранавірус у Мінск. Праз яго ў каранцін трапілі дактары «Ладэ», студэнты БДУ, вучні гімназіі №20 і парачка тэнісістаў

Хочаш падзяліцца важнай інфармацыяй ананімна і канфідэнцыйна?

Сяргей Гезгала

22
Ёпрст / Адказаць
18.03.2020 / 00:29
Калі з колам кантактаў у Сінгапуры усё зразумела праз тэхнічныя магчымасці краіны, дык у нас поўны атас! Які відэакантроль, якое распазнаванне твараў, які лік апаратаў прымусовай вентыляцыі лёгкіх, усё вельмі прыблізна! Таму і вынік будзе не сінгапурскі!
82
Вацлаў / Адказаць
18.03.2020 / 00:32
Зараз нябягуць параноікі й боты ды напішуць, што ён шкоўскі найміт і заразіў сто мільёнаў чалавек.
8
циник / Адказаць
18.03.2020 / 01:07
"Уся хвароба працякае, як звычайнае ВРВІ,..."

а теперь представьте сколько может быть в стране заболевших, которым не делают тестов... в том числе детей. а шкловское брехливое радио будет и дальше брехать что всё окей. 
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру