Аляксандр Лукашэнка заслухаў сёння даклад аб эпідэміялагічнай сітуацыі ў краіне, перадае БЕЛТА.
На даклад у Палац Незалежнасці прыехалі кіраўнік Адміністрацыі прэзідэнта Ігар Сергяенка, дзяржсакратар Рады бяспекі Андрэй Раўкоў, міністр аховы здароўя Уладзімір Каранік. Таксама на мерапрыемства паклікалі прадстаўнікоў Рэспубліканскага цэнтра гігіены, эпідэміялогіі і грамадскага здароўя, Мінскага навукова-практычнага цэнтра хірургіі, транспланталогіі і гематалогіі, Беларускага дзяржаўнага медыцынскага універсітэта, Рэспубліканскага навукова-практычнага цэнтра эпідэміялогіі і мікрабіялогіі.
«Я запрасіў вас сёння, каб абмеркаваць эпідэміялагічную сітуацыю ў Беларусі. Асабліва гэта важна ва ўмовах каранавіруснага псіхозу», — заявіў Аляксандр Лукашэнка.
Па словах кіраўніка дзяржавы, першапачаткова ён хацеў правесці сустрэчу выключна з вірусалогіі і эпідэміёлагамі: пазіцыя і падыходы міністра аховы здароўя Лукашэнку вядомыя.
«Але міністр сказаў, што ён чалавек дзяржаўны і не будзе коўдру цягнуць на свой бок. Думаю, да месца будзе, калі міністр аховы здароўя нам паведаміць пра сітуацыю, а вы — пра свой пункт гледжання», — сказаў ён.
Каментары