19.03.2020 / 12:53

Лукашэнка дазволіў не вадзіць дзяцей у школу і параіў людзям сядзець дома ў самаізаляцыі дапоўнена 30

На нарадзе па каранавірусе Аляксандр Лукашэнка выступіў супраць каранціну ў школах і пераносу канікул, паведамляе прэс-служба.

Але «калі бацькі баяцца — не адпраўляйце дзяцей у школу, мы не забараняем», — звярнуў увагу кіраўнік дзяржавы.

На яго думку, калі ў школах абвясціць канікулы, гэта толькі абвострыць абстаноўку, бо дзеці, якія могуць пераносіць каранавірус (іх імунітэт спраўляецца з інфекцыяй), паедуць да бабуль. А пажылыя людзі, наадварот, знаходзяцца ў групе рызыкі.

«Мы ж загубім старых! Таму не трэба нічога рабіць. Сказана з 30 сакавіка канікулы — будзе з 30-га. У нас што, у школах праблемы? Няма праблем. А калі мы яшчэ навучым дзяцей, бацькоў, настаўнікаў, тэхнічак своечасова мыць рукі і дэзынфікаваць, маску надзяваць, наогул будзе добра. Грамадства ўжо пачало да гэтага прывыкаць. Навошта мы робім усякія непатрэбныя дзеянні там, дзе ў іх няма неабходнасці», — сказаў кіраўнік дзяржавы.

Беларускім грамадзянам таксама рэкамендуецца пры магчымасці пабыць у самаізаляцыі, дадаў Лукашэнка.

«Людзям трэба раіць, каб яны заставаліся дома. Трэба мабілізаваць нашы сацыяльныя службы, каб дапамагалі старым, у якіх дзяцей няма, якім ніхто дапамагчы не можа. Трэба іх зараз апекаваць. Мы мусім зрабіць усё, каб яны змаглі выйсці з гэтай сезоннай праблемы без страт», — падкрэсліў кіраўнік краіны.

Хочаш падзяліцца важнай інфармацыяй ананімна і канфідэнцыйна?

NN.by

44
Таки вот / Адказаць
19.03.2020 / 12:57
Я уже предвижу как в скором будущем слягут все студенты, а сними и все преподаватели и учителя школ. Те самые, которые годами сидели в комиссиях и считали типа голоса избирателей. Боженька все видит. Трепещите, фальсификаторы псевдовыбров.
3
падаткаплацельшчык / Адказаць
19.03.2020 / 13:00
Усё аптымізавалі-аптымізавалі гэтыя "эфектыўныя" мэнэджары, калі ў навучальных установах павінен быць пачатак заняткаў, а прыйшоў каранавірус і ўсім нарэшце зрабіў лепей.
4
Казімер / Адказаць
19.03.2020 / 13:19
БДУІР. Сёньня афіцыйна праінфармавалі, што ўсё заняткі (у т.л. лекцыі на некалькі групаў) праводзяцца згодна з раскладам.
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру