20.03.2020 / 10:58

Паскудная сітуацыя на Беларускай чыгунцы. Супрацоўнікаў адпраўляюць за свой кошт 18

Кіраўніцтва Беларускай чыгункі разглядае магчымасць пераходу на 4-дзённы працоўны тыдзень. Пра гэта «Нашай Ніве» паведамілі супрацоўнікі кампаніі.

Пакуль жа, як паведамілі чыгуначнікі Баранавіч, людзей абавязалі на працягу вясны ўзяць 10 выходных за свой кошт. Гэта прывядзе да зніжэння заробкаў.

Фота Надзеі Бужан

Абароты чыгункі ўпалі ў выніку зніжэння аб'ёмаў экспарту нафтапрадуктаў і калійных угнаенняў.

За два першыя месяцы 2020 года грузаперавозкі чыгуначным транспартам абваліліся на 21,2%.

Каранавірус прывядзе да далейшага падзення грузавых перавозак. Спыніліся і міжнародныя пасажырскія перавозкі. З такім крызісам чыгунка яшчэ не сутыкалася.

«Наша Ніва» звярнулася да прэс-службы Беларускай чыгункі па каментар. Аператыўна даць інфармацыю нам адмовілі, спаслаўшыся на тое, што мы «няправільна аформілі зварот».

Хочаш падзяліцца важнай інфармацыяй ананімна і канфідэнцыйна?

NN.by

7
Henry / Адказаць
20.03.2020 / 11:04
Ну правільна. Паставілі краіну на расейскую нафтавую голку, а "дур" скончылася. Вось зараз хлябаюць. Даўно казалі незалежныя беларускія эканамісты, той жа Заіка, - аддаляйцеся ад нафты. Трэба рабіць чыгунку турыстычнай, пад перавозкі пасажыраў, пад перавозкі уласных грузаў, як ва ўсіх краінах. Але ж вельмі хочацца расейскаму ражыму зрабіць беларускую эканоміку прыдаткам расейскай. Вось і вынік. У нас нафты няма, таму і нечага пад нафту будаваць эканоміку.
6
Verbum / Адказаць
20.03.2020 / 11:05
Это правда, сам там работаю в Витебске. Правда практика отправлять за свой счёт была и до кризиса, естественно отправляли обычных рабочих. С апреля будет или 4 дня рабочих, или 7 часовой рабочий день.
7
Daban / Адказаць
20.03.2020 / 11:06
Урад павінен гарантаваць заробкі работнікаў і ў бюджэтных, і ў прыватных кампаніях, пакуль з пандэміяй не разабраліся. Так ужо робяць многія краіны ў Еўропе. Альтэрнатыва - тое, што робіць чыгунка. А потым будуць масавыя звальненні, найперш - у прыватным сектары.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру