Фота Надзеі Бужан
Наступнымі днямі ў Беларусі пахаладае.
У суботу ноччу -2…+3°С, пры праясненнях да -4°С, максімальная днём 0…+6°С, па паўднёвым усходзе Гомельскай вобласці будзе на пару градусаў цяплей. Аднак з-за парывістага паўночнага ветру дзённая тэмпература будзе адчувацца як -1…6°С, паведамляе Tut.by.
Прагназуецца нават мокры снег, а на дарогах галалёдзіца.
У нядзелю, 22 сакавіка, ноччу -2…9°С, днём -2…+4°С. Вецер будзе паўночна-заходні моцны парывісты, з-за чаго надвор'е стане пранізліва халодным. Па паўднёвым усходзе пройдзе невялікі кароткачасовы снег. Галалёдзіца захаваецца.
У пачатку наступнага тыдня атмасферны ціск яшчэ падрасце і ўладу над надвор'ем Беларусі паступова возьме халодны антыцыклон, які перамяшчаецца з тэрыторыі Швецыі на краіны Балтыі.
23 сакавіка, у панядзелак, ноччу -4…10°С, па поўначы месцамі да -12°С, днём 0…+5°С. Такі тэмпературны фон акажацца на 2-4 градусы ніжэйшым за кліматычную норму.
Халодны антыцыклон будзе вызначаць надвор'е ў Беларусі практычна ўвесь наступны тыдзень. Згодна з папярэднім прагнозам, у наступную пятніцу арктычнае холад пакіне нашу краіну.
