20.03.2020 / 17:49

«Элема» сыходзіць у прастой на два тыдні 3

Прадпрыемства «Элема» спыняе вытворчасць з 23 сакавіка па 4 красавіка. Прычыны — неспрыяльная санітарна-эпідэміялагічная абстаноўка ў свеце, абмежаванне руху праз межы суседніх краін, часовае зніжэнне пакупніцкай актыўнасці.

Адпаведны загад з'явіўся ў тэлеграм-канале «Нехта».

Інфармацыю пра двухтыднёвы прастой «Нашай Ніве» пацвердзіў намеснік дырэктара «Элемы» Генадзь Журневіч. У найбліжэйшыя два тыдні прыпыняецца ўся вытворчасць. Такія меры прынялі, каб забяспечыць фінансавую стабільнасць прадпрыемства і абараніць здароўе работнікаў.

«Падчас прастою работнікі будуць атрымліваць заробкі, усё згодна з заканадаўствам», — пракаментаваў намеснік дырэктара.

Памер заробку падчас вымушанага адпачынку — дзве траціны ад акладу.

Ці ёсць верагоднасць, што прастой працягнуць і пасля 4 красавіка?

«Пакуль невядома, будзем глядзець па сітуацыі», — адказаў Генадзь Журневіч.

Ён дадаў, што фірмовыя крамы «Элемы» працуюць у звычайным рэжыме.

Хочаш падзяліцца важнай інфармацыяй ананімна і канфідэнцыйна?

НЛ

1
Ёпрст / Адказаць
20.03.2020 / 17:59
Кіраўніцтва "Элемы" выгладае адэкватна, у адрозненне ад Лукашэнкі!
У нас прэзідэнт несапраўдны!
0
Яўген Знарок / Адказаць
20.03.2020 / 22:38
З цікаўнасці - зірнуў іх калекцыю, годна выглядае
1
Яша / Адказаць
21.03.2020 / 08:03
Зачем простой?Маски шейте,халаты для медиков.
Каб пакінуць каментар, калі ласка, актывуйце JavaScript у наладах свайго браўзеру