Нацыянальны банк рэкамендаваў камерцыйным банкам разгледзець магчымасць даць грамадзянам адтэрміноўкі вяртання (пагашэння) крэдыту і выплаты працэнтаў за карыстанне ім. Гэта вынікае з ліста рэгулятара ў адрас банкаў.
Гэтыя рэкамендацыі дадзеныя «ў мэтах зніжэння крэдытнай нагрузкі на грамадзян у сувязі з пагаршэннем іх фінансавага становішча і немагчымасцю належнага выканання імі абавязацельстваў па крэдытных дагаворах».
Крэдытныя вакацыі могуць быць дадзеныя пры ўмове наяўнасці дакументаў. Адначасова з гэтым будзе прадоўжаны тэрмін вяртання (пагашэння) крэдыту.
У Нацбанку лічаць, што ў сувязі «з неспрыяльнай эпідэміялагічнай абстаноўкай існуе імавернасць скарачэння даходаў арганізацый і прадпрыемстваў з прычыны абмежавання або немагчымасці ажыццяўлення імі сваёй дзейнасці, што можа выклікаць неабходнасць даць работнікам сацыяльныя адпачынкі з частковым захаваннем заработнай платы». Акрамя таго, многія грамадзяне могуць вымушана знаходзіцца ў сацыяльных адпачынках без захавання зарплаты.
