21.03.2020 / 11:16

Нацыянальны мастацкі музей пачынае трансляваць экскурсіі анлайн. Але пра сувязь гэтага з пандэміяй толькі намякае 4

Фота Belarus.by

З прыгожай ініцыятывай выступіў цэнтральны Мастацкі музей краіны.

Установа пачынае відэатрансляцыі сваіх традыцыйных экскурсій. Яны адбываюцца на выхадных, вядуць іх найлепшыя мастацтвазнаўцы краіны.

«У любой сітуацыі заўсёды можна знайсці станоўчыя моманты…» — так пачынаецца паведамленне ў фэйсбуку музея. Гэтая дзяржаўная ўстанова, аднак, ні словам не згадвае пра пандэмію, якая змусіла мільёны людзей у свеце абмежаваць свой выхад у людзі.

Гэта можа азначаць, што ўстановам культуры краіны рэкамендавана ажыццявіць некаторыя каранцінныя меры без афіцыйнага абвяшчэння пра тое, што гэта звязана з эпідэміялагічнай сітуацыяй.

Учора Брэсцкі драматычны тэатр абвясціў пра адмену спектакляў на вялікай сцэне да канца сакавіка. У той жа час спектаклі на малой сцэне застаюцца. Пра гэта паведамляецца на старонцы тэатра ў фэйсбуку.

Брэсцкі тэатр лялек перанёс усе раней заяўленыя спектаклі «ў мэтах прафілактыкі». Пра гэта ён паведаміў у сваёй групе ўкантакце.

Брэсцкая філармонія таксама пераносіць адзін выступ за другім без афіцыйнага абвяшчэння пра спыненне сезона.

Раней музей ніколі не вёў відэатрансляцый сваіх экскурсій. Гэтыя паходы ў музей платныя, звычайна экскурсія была даступная ўсім наведнікам музей, уваходны білет у які каштуе 8 рублёў.

Сёння а 14-й гадзіне адбудзецца кураторская экскурсія Кацярыны Ізафатавай па выставе «Нас зразумеюць праз 100 гадоў. Лазар Хідэкель». А заўтра а 16-й адбудзецца лекцыя «Прастора ўтопій» Георгія Заборскага ў рамках той жа выставы.

У Беларусі, у адрозненне ад большасці еўрапейскіх краін, меры строгага каранціну не прынятыя. У той жа час Аляксандр Лукашэнка заклікаў людзей старэйшага ўзросту, пры магчымасці, пабыць у самаізаляцыі.

«Людзям трэба раіць, каб яны заставаліся дома, — сказаў ён 19 сакавіка. — Трэба мабілізаваць нашы сацыяльныя службы, каб дапамагалі старым, у якіх дзяцей няма, якім ніхто дапамагчы не можа. Трэба іх зараз апекаваць. Мы мусім зрабіць усё, каб яны змаглі выйсці з гэтай сезоннай праблемы без страт», — сказаў Лукашэнка.

Хочаш падзяліцца важнай інфармацыяй ананімна і канфідэнцыйна?

СГ

8
ugo / Адказаць
21.03.2020 / 16:07
Ну, и где этот наш музей? По российскому Эрмитажу я могу "походить" и посмотреть (и походил и посмотрел). А у вас я могу узнать только о стоимости входных билетов. ----- Так в какой музей мне "идти" в наш, родной, национальный, близкий мне по духу, или к "ватникам"?
4
ugo / Адказаць
21.03.2020 / 17:55
За последние годы прочитал практически ВСЮ мировую литературу (ну, если честно, слизал все сливки, вершки). И на каком языке я читал? Не догадываетесь? Что радует, что и нашу, беларусскую литературу прочитал. Всю, что была выложена. Появились и у нас такие сайты, и это радует! ----- Патриотами нужно быть. Выкладывать всё своё, беларусское. Не ждать приказа сверху, его не будет, все ТУТЭЙШЫЯ погибли. Представьте, что вы в окопах, и на вас наступают танки. Никакого приказа не будет. Вы теперь ГЛАВНОКОМАНДУЮШИЙ.
1
Антон Астаповіч / Адказаць
21.03.2020 / 18:43
Пры чым тут каронавірус. Даўно гэты праект распрацоўваўся музеем
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру