Папа заклікаў усіх хрысціян разам прачытаць «Ойча наш» апоўдні 25 сакавіка
Папа рымскі Францыск заклікаў усіх хрысціян свету сумесна памаліцца за заканчэнне пандэміі каранавіруса. З такой ініцыятывай кіраўнік Рымска-каталіцкай царквы выступіў у традыцыйным нядзельным звароце да вернікаў «Ангелус», які ў трэці раз запар з-за каранціну перадаваўся анлайн і ў тэлеэфіры, перадае ТАСС.
«У гэтыя дні выпрабавання, калі ўсё чалавецтва сутыкнулася з пагрозай пандэміі, хачу прапанаваць усім хрысціянам уз'яднацца ў звароце да нябёсаў. Запрашаю ўсіх кіраўнікоў цэркваў, усіх хрысціянскіх супольнасцяў, хрысціян усіх канфесій заклікаць да Усявышняга, памаліўшыся адначасова. Запрашаю прамовіць «Ойча наш» 25 сакавіка апоўдні», — сказаў Францішак.
У Італіі з моманту пачатку пандэміі каранавірусам заразіліся больш за 53,5 тысяч чалавек, памерлі ад выкліканага інфекцыяй захворвання і яго наступстваў амаль 5 тысяч чалавек. На ўсёй тэрыторыі краіны з 10 сакавіка дзейнічае строгі каранцін і забарона на перамяшчэнне насельніцтва без важкай прычыны.
Каментары