Канадскія спартоўцы не паедуць на Алімпійскія гульні ў Токіа летам 2020 года з-за пандэміі каранавіруса. Пра гэта паведамілі алімпійскі і паралімпійскі камітэты краіны.
З аналагічнай заявай выступіў алімпійскі камітэт Аўстраліі. Абедзве краіны заклікалі Міжнародны алімпійскі камітэт перанесці спаборніцтвы на наступны год.
Раней 22 сакавіка кіраўнік МАК Томас Бах распаўсюдзіў ліст, у якім абвясціў, што рашэнне аб магчымым пераносе летняй Алімпіяды будзе прынята на працягу чатырох наступных тыдняў. Паводле СМІ, разглядаюцца варыянты пра перанос спаборніцтваў на некалькі месяцаў, год ці два.
Алімпіяда ў Токіа павінна была прайсці з 24 ліпеня па 9 жніўня.
0
0
0
0
0
0
