23.03.2020 / 12:12

Першы віцэ-прэм'ер Круты: Беларусь разглядае магчымасць рэструктурызацыі часткі знешняга доўгу 8

Фота Надзеі Бужан

Пра гэта сёння журналістам заявіў першы намеснік прэм'ер-міністра Дзмітрый Круты, піша БелТА.

Па словах Дзмітрыя Крутога, прапановы аб рэструктурызацыі часткі знешняга доўгу гучаць. «Тыя крэдытныя лініі, якія ў нас былі ўзятыя на стандартных умовах … Мы паспрабуем выйсці на партнёраў, не зважаючы на ​​каранцінныя абмежаванні ды іншае, і ўнясем прапановы па рэструктурызацыі часткі знешняга доўгу», — сказаў першы віцэ-прэм'ер.

У якасці прыкладу ён прывёў Сусветны банк, які анансаваў выдзяленне прамой дапамогі, у тым ліку на ліквідацыю наступстваў каранавіруса. «Мы пакуль такіх грошай у яго не запытвалі. Але ў частцы даўгавых ліній, думаю, можам з імі папрацаваць», — адзначыў Дзмітрый Круты.

Што тычыцца перспектыў супрацоўніцтва з МВФ, то першы віцэ-прэм'ер нагадаў, што фонд, зыходзячы з сваіх правілаў, не вядзе перамовы пра крэдыты або заключэнні новых краінавых праграм падчас электаральных кампаній. «Пасля выбараў будзем з імі сустракацца і гэтую тэму абмяркоўваць», — растлумачыў Круты.

Ён пракаментаваў таксама дамоўленасці з Расіяй у нафтавай сферы, заклікаўшы не сьпяшацца і дачакацца фінальных рашэнняў.

«Квартал ужо прайшоў, таму тут трэба яшчэ тэхнічныя магчымасці заводаў ацаніць. Як яны змогуць гэта ўсё перапрацаваць», — удакладніў ён.

Хочаш падзяліцца важнай інфармацыяй ананімна і канфідэнцыйна?

0
Мордехай В. / Адказаць
23.03.2020 / 12:18
Зачыні расійскія ваенны базы - заўтра будуць жадаючыя чаргою. Мільярдаў 3-4 сюды прыгнаць - не такая вялікая навука. Любы "нархознік" здужыць, бо беларусы плацяць інтарэсу больш за палову афрыканскіх краін.

А калі паперці адсюль расійскія банкі - тое паслязаўтра пачнуць адчыняцца еўрапейскія, і там зусім іншая гульня пойдзе, бо будзе выхад на міжнародны рынак лівіднасці. 

Але ж вы трывайце, усё будзе добра.
1
Василиса / Адказаць
23.03.2020 / 12:36
Вось и дзяубануу падсмажаны певень!
1
даведка / Адказаць
23.03.2020 / 13:01
Надо внешний долг Беларуси заразить коронавирусом, и через недели две его не станет... (( 
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру