23.03.2020 / 13:53

Уцюрын прасіў у расійскага бізнэсмена $300 тысяч на будаўніцтва дома 5

Былы намеснік дзяржсакратара Савета бяспекі Беларусі Андрэй Уцюрын сёння ў судзе распавёў, што прасіў у расійскага бізнэсмена і свайго былога калегі Віталя Гарбачова грошы на будаўніцтва дома, перадае карэспандэнт БелТА з залы суда.

Вярхоўны суд працягвае пачатае 10 сакавіка разбіральніцтва па шматлікіх фактах атрымання і дачы хабараў пры пастаўках у Беларусь тэлекамунікацыйнага абсталявання, камп'ютарнай тэхнікі і праграмнага забеспячэння. Абвінавачваюцца ў атрыманні і перадачы хабараў 16 чалавек — 8 службовых асоб дзяржорганаў і банкаў, а таксама 8 прадстаўнікоў камерцыйных структур. Сёння ў будынку суда Маскоўскага раёна Мінска працягваюцца допыты абвінавачаных.

Уцюрын распавёў, што аднойчы ў Менск прыехаў яго былы калега Гарбачоў з яшчэ адным іх агульным знаёмым. Тады Гарбачоў распавёў, што займаецца бізнэсам, але сам у Мінск ездзіць часта не зможа — яго інтарэсы будзе прадстаўляць Малін.

«Я папрасіў Гарбачова пазычыць грошай на пабудову дома — каля $300 тысяч», — распавёў Уцюрын. Калі гэта менавіта адбылося, ён не памятае. Па словах Уцюрына, ён ведаў, што Гарбачоў дапамагаў калегам: «Аднаму агульнаму знаёмаму даў вельмі буйную суму на развіццё бізнэсу». «Мая памылка была ў тым, што мы дэталёва не агаварылі, у якой форме будзе дапамога», — адзначыў Уцюрын.

Чытайце таксама: Як выглядае катэдж у Драздах, які належыць арыштаванаму Андрэю Уцюрыну ФОТАФАКТ

Уцюрын таксама дадаў, што ён, Гарбачоў і былы начальнік ДВП МУС Беларусі Сяргей Дарошка скончылі адно вайсковае вучылішча.

Андрэй Уцюрын з верасня 2014-га па красавік 2019 года быў намеснікам дзяржсакратара Савета бяспекі Беларусі, з лістапада 2014-га яшчэ і членам калегіі МУС. Як паведамлялася, ён абвінавачваецца ў атрыманні не менш як $9 тысяч ад Томчанкі, $183 тысяч — ад Казанцава і Гарбачова. Акрамя гэтага яму прад'яўленае абвінавачванне ў падбухторванні Казанцава да дачы хабару гендырэктару «Белтэлекама» Сівадзедаву. Сваю віну ён прызнае цалкам. 

Хочаш падзяліцца важнай інфармацыяй ананімна і канфідэнцыйна?

NN.by

0
меркаванне / Адказаць
23.03.2020 / 14:03
Во такія аказаліся бліжэйшыя саратнікі павадыра. Сам выбіраў, сам трымаў гадамі розную навалач з захалустных расейскіх мухасранскаў, якія як шакалы набеглі служыць рэжыму і, галоўнае, нажывацца беззаконна.
0
даведка / Адказаць
23.03.2020 / 14:53
В пятницу на "Белсате" были более правдоподобные подробности получения Втюриным взяток, так вот там, согласно показаниям этого Горбачёва в суде, Втюрин просил его писать на сотни тысяч долларов фальшивые расписки для легализации перед налоговой крупных сумм. 

К слову, Лидия Ермошина тоже публично утверждала, что построила свой особняк в Дроздах за деньги, якобы одолженных у богатых подруг-нотариусов из России. Видится, что схема легализации огромных финансовых средств у этих лукашенковских чиновников идентичны, только вот судят за это почему-то одного Втюрина.
1
Кажыма праўду / Адказаць
23.03.2020 / 18:30
Кажуць, гарбатага выпраўляе магіла. Але гадаванцу «вялікай» рас. культуры рады ўжо аніяк не дасі. «Пьют и воруют...»
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру