23.03.2020 / 15:23

Хлопец пасварыўся з дзяўчынай і выкінуў у акно вазон з кветкамі. Яго хутка знайшлі па адбітках пальцаў на аскепках

У міліцыю звярнуўся мінчук, які паведаміў, што невядомы з акна шматкватэрнага дома выкінуў керамічны вазон з кветкамі на яго машыну. У выніку быў пашкоджаны дах аўто, а шкода склала 500 рублёў.

На месца выбыла следча-аператыўная група. У ходзе агляду месца здарэння былі выяўленыя сляды пальцаў рук, што засталіся на аскепках вазона. Інфармацыя была перададзеная супрацоўнікам крымінальнага вышуку.

У ходзе правядзення аператыўна-вышуковых мерапрыемстваў быў затрыманы 26-гадовы раней судзімы мінчанін.

Высветлілася, што затрыманы знаходзіўся ў кватэры са сваёй цяжарнай дзяўчынай. Паміж імі паўстаў канфлікт, у выніку якога дзяўчына пакрыўдзілася і сышла, а малады чалавек, выпіўшы, выкінуў у акно керамічны вазон.

NN.by

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру