23.03.2020 / 16:12

Футбольныя чэмпіянаты ў Іспаніі спынілі на невядомы тэрмін

Матчы іспанскіх футбольных ліг перанесены на нявызначаны тэрмін у сувязі з пандэміяй каранавіруса. Пра гэта ў панядзелак паведамляе прэс-служба Каралеўскай іспанскай футбольнай федэрацыі.

Спаборніцтвы не будуць праводзіцца на тэрыторыі краіны да далейшага паведамлення ўладаў па паляпшэнні сітуацыі з каранавірусам у Іспаніі.

Чэмпіянат быў прыпынены 12 сакавіка на два туры, матчы павінны былі аднавіцца 5 красавіка.

Днямі паведамлялася, што чэмпіянат Францыі можа аднавіцца ў сярэдзіне чэрвеня, а англійская прэм'ер-ліга — 1 чэрвеня. 

Хочаш падзяліцца важнай інфармацыяй ананімна і канфідэнцыйна?

NN.by

Каб пакінуць каментар, калі ласка, актывуйце JavaScript у наладах свайго браўзеру