23.03.2020 / 17:00

«Беларусбанк» і «Белаграпрамбанк» павысілі стаўкі па крэдытах на будаўніцтва і куплю жылля

З 23 сакавіка працэнтная стаўка на будаўніцтва і набыццё жылля на агульных умовах у абодвух банках устаноўлена на ўзроўні 14,19%. Раней стаўка па крэдытах на нерухомасць складала 12,32% у абодвух банках, піша Interfax.by.

Як паведамлялася, у канцы мінулага тыдня Нацбанк адмяніў да канца года дзеянне нарматыву разліковай велічыні стандартнай рызыкі (РВСР), які задаваў гранічна дапушчальны ўзровень ставак па дэпазітах і крэдытах у банкаўскай сістэме.

Нацбанк прыняў гэтае рашэнне ў сувязі з паслабленнем беларускага рубля з пачатку года больш чым на 25% і ростам попыту на валюту на ўнутраным рынку.

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру