23.03.2020 / 21:06

Магілёвец прыляцеў з Германіі і праз 3 дні памёр ад пнеўманіі. Каранавіруса не знайшлі 6

У сеціве абмяркоўваюцца чуткі пра смерць жыхара вёскі Прысна-1, што пад Магілёвам.

«Наша Ніва» звязалася з жонкай мужчыны.

Аказалася, што 53-гадовы Аляксандр сапраўды нядаўна вярнуўся з Германіі. 18 сакавіка ён прыляцеў і ўжо амаль у той жа дзень адчуў сябе блага.

«Тэмпературы не было, нічога такога. Але казаў, што яму цяжка дыхаць, — згадвае жонка мужчыны. — Паехалі мы ў бальніцу. Мужа паклалі, дыягнаставалі пнеўманію. Усё было, здаецца, у парадку, але 21 сакавіка, праз тры дні, ён раптоўна памёр».

Жанчына падкрэслівае: у Аляксандра бралі 2 аналізы на каранавірус, у аэрапорце і ў бальніцы. Абодва былі адмоўнымі.

У жонкі памерлага аналіз не бралі. Цяпер жанчына рыхтуецца да пахавання мужа.

Варта адзначыць, што хуткацечныя пнеўманіі бываюць і без каранавіруса.

Хочаш падзяліцца важнай інфармацыяй ананімна і канфідэнцыйна?

УШ

3
Чытачка / Адказаць
23.03.2020 / 21:36
Спачуванні, вірус ці не зыход сумны. Хай будзе менш такіх сумных навін у гэты складаны час
22
NavuchencaBK / Адказаць
23.03.2020 / 21:49
Ну бывае, чо!
Сказалі ж, у краіне каранавірусу няма...
23
Viknik / Адказаць
23.03.2020 / 21:55
Не дараслі мы да каранавіруса яшчэ. Таму будзем паміраць ад пнеўманіі. . Цікава, колькі ім спатрэбіцца смярцей каб прызнаць відавочнае...
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру