24.03.2020 / 08:20

Алімпійскі камітэт ЗША заклікаў адкласці Алімпіяду

Алімпійскі камітэт ЗША заклікаў Міжнародны алімпійскі камітэт (МАК) адкласці правядзенне летніх Алімпійскіх гульняў — 2020 у Токіа.

На сайце амерыканскай арганізацыі было апублікавана пасланне, у якім сказана, што правядзенне Алімпіяды ў Токіа неабходна адкласці на больш позні тэрмін з-за пандэміі каранавіруса.

Алімпійскія камітэты Канады і Нарвегіі ўжо абвясцілі, што не пусцяць сваіх спартсменаў на Алімпійскія гульні, калі турнір не будзе адменены.

Учора паведамлялася, што Алімпіяда будзе перанесена на 2021 год, але затым у Токіа заявілі, што рашэнне не прынята.

Хочаш падзяліцца важнай інфармацыяй ананімна і канфідэнцыйна?

NN.by

Каб пакінуць каментар, калі ласка, актывуйце JavaScript у наладах свайго браўзеру