24.03.2020 / 12:53

Лукашэнка: Вытрымаем да Вялікадня — значыць, будзем жыць 32

Аб гэтым кіраўнік дзяржавы заявіў на сустрэчы з паслом КНР у Беларусі Цуй Цымінам. Кіраўнік дзяржавы адзначыў, што Беларусь не зачыняла мяжу з аніводнай краінай. Але вельмі сур'ёзна кантралюе сітуацыю з пункту гледжання прыезду грамадзян з эпідэміялагічна неспрыяльных краін, у тым ліку з Германіі, Францыі і Італіі, піша sb.by

— Да нас прыязджаюць розныя людзі, але ў аэрапорце (у асноўным гэта паветраныя зносіны) мы вельмі сур'ёзна кантралюем тых, хто прыбывае ў Беларусь, — сказаў Аляксандр Лукашэнка.

— У суткі бывае ніводнага заражанага каранавірусам. Бывае два-тры чалавекі, але без усялякіх сімптомаў. Мы іх абавязкова, вядома, на каранцін саджаем. Праз тыдзень-паўтара яны выходзяць. Праўда, кляймяць нас рознымі словамі, што мы іх дарма затрымалі, але такая сітуацыя. Таму я малю Бога, каб мы і далей такім чынам прайшлі гэты пік вірусных захворванняў, і сітуацыя стабілізавалася дакладна так, як яна ў вас сёння стабілізавалася, людзі вяртаюцца да нармальнага жыцця.

Ён звярнуў увагу, што ў Беларусі па радзе кітайскіх спецыялістаў пад асаблівай апекай знаходзяцца пажылыя людзі, якія найбольш уразлівыя да вірусаў. Аднак пры гэтым Аляксандр Лукашэнка дадаў, што яго турбуе іншая тэндэнцыя:

- Мы неяк кінуліся на каранавірус. Сёння я папярэдзіў Міністэрства аховы здароўя і кіраўніка Адміністрацыі, ён займаецца гэтым пытаннем: мы менш пачалі надаваць увагу іншым хваробам. Бо ад каранавіруса у нас, цьфу-цьфу, не загінуў яшчэ ніводны чалавек, а ад іншых хвароб людзі гінуць. Таму я папярэдзіў, каб дактары не аслаблялі ўвагу да людзей з іншымі хваробамі.

Ён падкрэсліў, што найбольш схільныя да заражэння ўсякага роду вірусамі і трапляюць у бальніцу ў асноўным людзі, якія маюць не адну хваробу, а цэлы букет: сардэчна-сасудзістыя захворванні, хваробы органаў дыхання, гіпертанія, лішняя вага, цукровы дыябет і іншае.

— Вядома, любы вірус на такога чалавека кідаецца і пачынае яго трэсці, — сказаў Аляксандр Лукашэнка. — У дактароў нашых пакуль атрымоўваецца спраўляцца, але расслабляцца мы не плануем.

Кіраўнік дзяржавы адзначыў, што БРСМ, сацыяльныя службы, валанцёрскія арганізацыі дапамагаюць пажылым людзям з дастаўкай на дом лекаў, прадуктаў харчавання, і гэтая праца будзе ўзмоцнена:

— Робім гэта зыходзячы з жыцця. Усялякае ў жыцці бывае, але галоўнае — не панікаваць. Бо я больш за ўсё баюся, што людзі захварэюць псіхозам, нават ад таго, што адбываецца ў СМІ. Ад псіхозу будуць астатнія хваробы. Так гавораць і спецыялісты. Таму ваш вопыт, наш вопыт мы выкарыстоўваем, каб на гранічна дапушчальным для нас узроўні прайсці вось гэты пік. Вытрымаем да праваслаўнага Вялікадня [19 красавіка — НН] — значыць, жыць будзем.

Хочаш падзяліцца важнай інфармацыяй ананімна і канфідэнцыйна?

3
Лях / Адказаць
24.03.2020 / 13:05
На колькi сур’езна кантралююць у аэрапорце ужо выказауся доктар з Гроднi. Сядзiць там адзiн лябарант ды па жаданнi бярэ мазкi у ахвочых. На аднаго чалавека 15-20 хвiлiн патрэбна. Дык хто будзе стаяць у такой чарзе?
4
Ген Жэстачайший / Адказаць
24.03.2020 / 13:09
Что значит: Выдержим до Пасхи, значит будем жить? Хотелось бы поподробнее: что значит выдержим? Это как: не умрем с голоду, сохраним подвижность, будем социально активны, сможем дышать или это ещё что-то другое? И что значит будем жить? Все будем жить, или через одного, или 99% будем жить? И как будем жить? Полноценной жизнью или всё-таки не совсем?
2
любите родину мать вашу / Адказаць
24.03.2020 / 13:12
"вытрымаем да Пасхі, значыць будзем жыць", а не вытрымаем, значыць што, правільна - не будзем! ну, нешта ж будзе, так... просьценькая такая дылема. і самае галоўнае, спраўдзіцца на 100!
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру