24.03.2020 / 16:27

Польшча прымае радыкальныя захады бяспекі: больш за двое не збірацца 10

tvn24.pl

Прэм’ер-міністр Польшчы Матэўш Маравецкі абвясціў пра чарговыя абмежаванні ў сувязі з пандэміяй каранавіруса, паведамляе «Белсат».

«Мы бачым, што гэта патрэбна і неабходна, каб засцерагчыся ад сітуацыі, калі каранавірус будзе распаўсюджвацца, як у Італіі ды Іспаніі», — падкрэсліў прэм’ер-міністр падчас прэс-канферэнцыі.

Улады Польшчы ўводзяць абмежаванні на перамяшчэнні. З дому можна выходзіць у краму па прадукты, каб адведаць блізкіх сваякоў, у аптэку, да доктара ды выводзіць на шпацыр сабакаў. Таксама асобы, што маюць працу, якую немагчыма выконваць дыстанцыйна, будуць мець права выходзіць на вуліцу, каб дабрацца да месца працы і вярнуцца дамоў. Пад забарону перамяшчэнняў не падпадаюць валанцёры, што дапамагаюць у барацьбе з эпідэміяй.

Прэм’ер-міністр таксама паведаміў пра забарону выходзіць на вуліцу у групах, большых за дзве асобы (за выключэннем сем’яў).

Таксама ў транспарт трэба сядаць, калі занята не болей за палову пасадачных месцаў.

Кантраляваць захаванне правілаў будзе паліцыя, штраф за парушэнне — да 5 тыс. злотых (каля 1,5 тыс. еўра). Новыя правілы ўступаюць у сілу ад 25 сакавіка і будуць дзейнічаць да 11 красавіка.

«Перад намі вельмі цяжкая фаза, бо новыя абмежаванні будуць моцна ўплываць на наша штодзённае жыццё. Усе справы, акрамя выхаду ў краму па прадукты, у аптэку па лекі ды выхад з сабакам на кароткі шпацыр, трэба адкласці», — дадаў Маравецкі.

На сёння ў Польшчы 9 асобаў памерлі ад наступстваў інфекцыі, у краіне зарэгістравалі 774 выпадкі заражэння.

Хочаш падзяліцца важнай інфармацыяй ананімна і канфідэнцыйна?

12
Агрэст / Адказаць
24.03.2020 / 16:48
Усе правільна.
4
Скураныя крылы / Адказаць
24.03.2020 / 16:58
Прэм'ер-міністр выконвае свае абавязкі. 

22
Логистик / Адказаць
24.03.2020 / 17:03
К сожалению беларусь ждет ад. Изза преступного невежества властей все население оказалось заложником безответственных колхозников, которые воспринимают народ поголовьем скота. Держитесь беларусы. Только народный карантин может повлиять на ситуацию. Не отправляйте детей в школу, берегите родителей и готовьтесь к пандемии.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру