24.03.2020 / 22:04

24 сакавіка ў свеце ад Covid-19 памер 2381 чалавек. Апошнія тыдні штодзённая лічба ахвяр падвойваецца кожныя 5 дзён 17

У Францыі памерлі 240 чалавек за дзень, у Іспаніі — 514, у Італіі — 743.

Усяго ў свеце за 24 сакавіка ад новага віруса памёр 2381 чалавек. 

Гэта першы дзень за перыяд пандэміі, калі дзённая лічба ахвяр перавысіла дзве тысячы. Рубеж 1000 быў пяройдзены 5 дзён таму. Рубеж 500 — 10 дзён таму.

19 сакавіка было зарэгістравана 1080 смерцяў, выкліканых наступствамі Covid-19. 14 сакавіка іх было 404.

Такім чынам, чалавецтва пакуль знаходзіцца ў такім моманце пандэміі, калі штодзённая лічба ахвяр падвойваецца кожныя 5 дзён.

Наступныя тыдні будуць вельмі напружаныя для сістэм аховы здароўя і жыццёвага забеспячэння краін, якія сталі эпіцэнтрамі заразы. Яны будуць таксама тыднямі выпрабавання для краін Трэцяга свету, куды зараза ўжо пранікла.

У Беларусі пакуль вядома толькі пра 81 заражэнне, наша краіна застаецца на перыферыі пандэміі. Тым не менш, Міністэрства аховы здароўя заклікала пажылых людзей і хранічна хворых заставацца дома, астатніх — захоўваць дыстанцыю паўтара метра і нормы гігіены. Усіх, хто вяртаецца з-за мяжы, просяць вытрымаць два тыдні ў самаізаляцыі.

Чытайце таксама: Тлумачым, чаму наступныя тыдні ў свеце працягнецца рост смерцяў ад каранавіруса

Хочаш падзяліцца важнай інфармацыяй ананімна і канфідэнцыйна?

Сяргей Гезгала

5
Ёпрст / Адказаць
24.03.2020 / 22:18
Чакаю, калі прагучыць знакамітае - лепш быць багатым і здаровым, чым бедным і бальным :-)
6
Alisa / Адказаць
24.03.2020 / 22:25
Ну хіба толькі Бог за беларусаў, ці мо толькі статыстыка? хто разбярэ..
4
циник / Адказаць
24.03.2020 / 22:28
граничка открыта, шкловский спаситель "спасёт" вас, как и кима 
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру