Тэсты на каранавірус у жанчыны з Жыткавіч, шпіталізаванай з каранавіруснай інфекцыяй, пакуль далі супярэчлівыя вынікі.
Пра гэта паведаміў міністр аховы здароўя Беларусі Уладзімір Каранік на прэс-канферэнцыі, на якой ён адказаў анлайн на пытанні студэнтаў.
Ён сказаў, што жанчына праходзіць належны курс тэрапіі ад пнеўманіі, а дадатковы тэст правядуць, каб вызначыць, ці была яна заражаная каранавірусам.
Пакуль яна ўлічаная як адна з дзвюх асоб з падазрэннем на Covid-19.
У 58-гадовай жанчыны з Жыткавіч была выяўленая цяжкая пнеўманія, проба паказала наяўнасць каранавіруса, і жанчыну шпіталізавалі ў Гомелі.