Іспанія стала галоўным эпіцэнтрам пандэміі ў Еўропе.
За апошнія 24 гадзіны ў гэтай краіне памерла 738 чалавек з каранавірусам, паведамілі санітарныя службы краіны. Агульная лічба ахвяр гэтай заразы ў Іспаніі вырасла больш чым да 3400. Пераважна гэта людзі старэйшых гадоў.
З улікам таго, што насельніцтва Іспаніі амаль на траціну меншае, чым у Італіі, сітуацыя на Пірэнейскім паўвостраве дасягнула больш вострага стану, чым на Апенінскім.
Галоўнымі агмянямі пандэміі ў Іспаніі застаюцца Мадрыд, на які прыпадае больш за палову смяротных выпадкаў, а таксама Каталонія і Краіна Баскаў. Але пандэмія распаўсюдзілася на ўсе правінцыі краіны, з Канарскімі і Балеарскімі астравамі ўключна.
Каментары