25.03.2020 / 14:32

Запрацаваў сайт для галасавання на апазіцыйных праймерыз 31

На Дзень Волі запрацаваў сайт для галасавання на праймерыз апазіцыйных кандыдатаў — prezident21by.org.

У выбарах на сёння прымае ўдзел тры чалавекі: Юрась Губарэвіч (Рух «За Свабоду»), Мікалай Казлоў (АГП) і Вольга Кавалькова (незалежная кандыдатка).

Вольга Кавалькова, Юрась Губарэвіч і Мікалай Казлоў на праймерыз у Баранавічах. Фота Надзеі Бужан

Як працуе сайт? Спачатку карыстальніку прапануюць уводную частку з правіламі і агульнай інфармацыяй пра тое, што галасаванне на сайце складаецца з дзвюх частак: у першай, якая і пойдзе ў залік, прагаласаваць можна толькі аднойчы, а ў другой — можна паставіць два плюсы і адзін мінус.

Калі карыстальнік азнаёміцца з гэтай інфармацыяй, яму трэба ўвесці свой нумар тэлефона. Праз пару секунд вам прыйдзе смс-ка з шасцізначнай лічбай. Менавіта яе трэба ўвесці для далейшага ўдзелу.

На гэтым пачынаецца ўласна галасаванне. Кнопка «галасаваць» знаходзіцца пасля невялікага прадстаўлення кандыдата.

У другой частцы абавязкова трэба націснуць два плюсікі і адзін мінус, інакш ваш голас не будзе ўлічаны і вы не пяройдзеце да наступнай часткі.

Нарэшце, у выніковай трэцяй частцы просяць увесці персанальныя даныя (імя, нумар тэлефона, е-мэйл, адукацыю, узрост, пол). Калі вы не захочаце ўводзіць асабістыя даныя, то вашы галасы ўсё адно будуць улічаныя, але вынікаў галасавання вы не пабачыце.

Кіраўнік партыі «Зялёныя» Дзмітрый Кучук, які займаецца сайтам, кажа, што найбліжэйшыя тры-пяць дзён не будуць адлюстроўвацца вынікі галасавання. «Гэта робіцца для таго, каб не ўплываць на вынікі галасавання людзей. Можа, у суботу ці панядзелак адкрыем гэтыя вынікі», — кажа Кучук.

Прагаласаваць можна будзе толькі аднойчы з кожнага нумара тэлефона.

Хочаш падзяліцца важнай інфармацыяй ананімна і канфідэнцыйна?

ЗП

24
Владимир123 / Адказаць
25.03.2020 / 14:45
Если бы Северинец остался в этом шоу участвовать, проголосовал бы за него. А так - ни за кого.
6
Бабрина / Адказаць
25.03.2020 / 14:47
Звярніце ўвагу.
Удзельнікі галасавання даюць згоду на ўдзел у ініцыятыўнай групе адзінага кандыдата і лічаць удзел дзеючага кіраўніка дзяржавы ў выбарах незаконным.

А гэта што такое?)))
11
Малады / Адказаць
25.03.2020 / 15:01
Імітацыя падчас чумы.
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру