Удзень 25 сакавіка быў затрыманы галоўны рэдактар партала «Ежедневнік» Сяргей Сацук.

Сяргей Сацук, фота «Еўрарадыё»

Затрыманне праходзіла на вачах яго жонкі Жанны.

«Мы паехалі ў будаўнічую краму пад Мінскам, у Сціклева. Там не паспелі зайсці ў краму, як падышлі двое. Я падумала спачатку, што гэта нейкія яго знаёмыя, але раптам Сяргея павялі кудысьці ўбок, — распавяла жонка журналіста «Нашай Ніве». — Я кажу: «Сярожа, ты куды?» Ён адказвае: «Мяне затрымліваюць».

Мужчыны, якія яго затрымалі, паказвалі «корачкі» Дэпартамента фінансавых расследаванняў. Я спытала ў іх, за што Сяргея забіраюць, яны адказалі: вам пасля паведамяць».

Па словах жонкі, апошнім часам журналіст не займаўся нейкімі гучнымі тэмамі. Што магло быць прычынай затрымання, яна не ведае.

Па апошніх даных, Сацук знаходзіцца ў Дэпартаменце фінансавых расследаванняў на вуліцы Кальварыйскай у Мінску.

Чытайце. БТ паказала ВІДЭА са схаванай камеры, як рэдактар Ej.by Сяргей Сацук атрымаў канверт ад бізнэсмена

Хочаш падзяліцца важнай інфармацыяй ананімна і канфідэнцыйна?