25.03.2009 / 15:52

У Беларусь прыляцелi першыя буслы 5

photo.bymedia.net

У Беларусь белыя буслы звычайна прылятаюць у другой палове сакавiка. Гэта адзiн з чатырох вiдаў птушак, якiя прапанаваны ў якасцi iндыкатараў надыходу вясны агульнаеўрапейскай кампанii «Жывая вясна».

У цёплы сезон у нас жыве каля 13 тысяч пар белых буслоў. Гняздуюцца яны галоўным чынам у Палессi. Беларусь уваходзiць у пяцёрку еўрапейскiх краiн, якiя найбольш падабаюцца гэтым птушкам. Па колькасцi пар Беларусь саступае толькi Польшчы, Украiне, Турцыi i Іспанii. Харчуюцца буслы земнаводнымi, буйнымi насякомымi i чарвякамi. Гэтыя прыгожыя буйныя птушкi адлоўлiваюць палёвак, яшчарак i змей.

Спецыялiст па экалагiчнай адукацыi грамадскай арганiзацыi «Ахова птушак Бацькаўшчыны» Руслан Шайкiн адзначыў што, убачыўшы першых белых буслоў, чытачы «Звязды» могуць падзялiцца сваiмi назiраннямi i занесцi iнфармацыю на сайт www.springalive.net. Прыняць удзел у кампанii «Жывая вясна» можа любы жыхар Беларусi.

Аб сваiх назiраннях можна паведамiць у офiс АПБ па тэлефоне 8 017 263 06 13, пераслаць i ў выглядзе SMS‑паведамленняў на кароткi нумар 0841. Для абанентаў velcom паслуга каштуе 220 рублёў. а МТС — 390.

Сяргей Куркач, Звязда

0
The Bird / Адказаць
25.03.2009 / 17:33
Першы бусел на Гарадзеншчыне (і, пэўна, ў Беларусі), быў адзначаны ў гэтым годзе 9 сакавіка: http://www.newmediaworld.info/bird/naziranni/74
0
Lesavik / Адказаць
25.03.2009 / 17:57
Трэба каб больш беларусаў паведаміла пра сваіх першых буслоў і Беларусь здзівіла Еўропу, хоць дзе стаўшы першай! Усіх з Днём Волі!
0
Busel / Адказаць
25.03.2009 / 21:14
Дык там трэба не толькі пра белага бусла паведамляць, але і пра зязюлю, вясковую ластаўку і сьвіргуля! Так што шанцаў стаць першымі больш! Дарэчы, там старонкі на некалькіх мовах, у тым ліку і на беларускай - www.springalive.net
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру