26.03.2020 / 07:51

Сяргею Сацуку інкрымінуюць атрыманне хабару — ад 3 да 10 гадоў зняволення 14

Галоўнага рэдактара ej.by Сяргея Сацука затрымалі супрацоўнікі Дэпартамента фінансавых расследаванняў па падазрэнні ў атрыманні хабару. Абвінавачанне пакуль не прад'явілі, паведамляе сайт ej.by.

Ej.by зазначае, што Сацука падазруюць у тым, што ён нібыта ўзяў 5 тысяч даляраў за напісанне артыкула пра карупцыю ў Міністэрстве аховы здароўя.

Частка 2 артыкула 430 (атрыманне хабару паўторна, альбо шляхам вымагальніцтва, альбо групай асобаў па папярэдняй змове, альбо ў буйным памеры) прадугледжвае ад трох да дзесяці гадоў зняволення.

***

Галоўны рэдактар вядомага дзелавога анлайн-выдання «Ежедневник» Сяргей Сацук быў затрыманы днём у сераду, 25 сакавіка.

Да яго ў грамадскім месцы падышлі людзі, якія прадставіліся супрацоўнікамі Камітэта дзяржкантролю, папрасілі прад'явіць дакументы і затым павезлі з сабой. Вечарам стала вядома, што Сяргей затрыманы на трое сутак.

Яго дапыталі ў якасці падазраванага па крымінальнай справе ў прысутнасці дзяжурнага адваката. Раніцай у чацвер родныя маюць намер заключыць дамову з новым адвакатам.

Хочаш падзяліцца важнай інфармацыяй ананімна і канфідэнцыйна?

4
Святлана / Адказаць
26.03.2020 / 09:00
Не веру
4
Палкоўнiк Зэман. / Адказаць
26.03.2020 / 09:10
З якога часу ДФР займаецца хабарам??? Цi яны унiверсалы??? PS Будзе час Сацуку перачытаць опусы, што ён пiсаў у 2011 годзе.
6
BonScott / Адказаць
26.03.2020 / 11:08
От уж!! Журналістаў нельга чапаць. Сяргею Сацуку волю!
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру