Праваслаўны фестываль «Велікодная Радасць» пройдзе з 1 па 12 красавіка ў Палацы культуры МТЗ, паведаміў БелТА спецыяліст па працы са СМІ Сястрынства ў гонар пакутніцы вялікай княгіні Марыі горада Мінска Анатоль Самасейка.
Фестываль па традыцыі ўключае культурную праграму, мерапрыемствы для дзяцей і выставу-кірмаш. Яго лейтматывам стане 75-годдзе Перамогі ў Вялікай Айчыннай вайне.
«Нам трэба захоўваць памяць пра Вялікую Айчынную вайну, пра подзвіг і перамогу савецкага народа, — адзначыў Анатоль Самасейка. — Для наведвальнікаў будуць працаваць тэматычныя фотавыставы, можна будзе ўбачыць дакументальныя і мастацкія фільмы пра вайну. Асаблівым настроем і атмасферай напоўняць ўрокі ваеннай падрыхтоўкі, ваенная кухня».
0
0
0
0
0
0
