26.03.2020 / 14:45

Урад: Усе, хто прыязджае ў Беларусь, павінны пайсці на каранцін на два тыдні 9

Саўмін Беларусі вызначыў меры па прадухіленні завозу і распаўсюджвання інфекцыі, выкліканай каранавірусам COVID-19, паведамляе прэс-служба ведамства.

Як гаворыцца ў пастанове Савета міністраў, усе людзі, якія прыбылі ў Беларусь з краін, дзе рэгіструюцца выпадкі інфекцыі COVID-19, на працягу 14 каляндарных дзён з дня прыезду:

— павінны знаходзіцца ў самаізаляцыі ў хатніх умовах;

— не падлягаюць наступнаму пропуску праз мяжу Беларусі (да заканчэння тэрміну самаізаляцыі).

Гэтыя меры не распаўсюджваюцца на:

— супрацоўнікаў дыпламатычных прадстаўніцтваў, консульскіх устаноў замежных дзяржаў у Беларусі і акрэдытаваных па сумяшчальніцтву з рэзідэнцыямі ў іншых краінах, міжнародных арганізацый і іх прадстаўніцтваў, размешчаных на тэрыторыі Рэспублікі Беларусь, а таксама членаў іх сем'яў;

— кіраўнікоў і членаў афіцыйных дэлегацый;

— кіроўцаў транспартных сродкаў пры выкананні міжнародных аўтамабільных перавозак грузаў;

— членаў экіпажаў паветраных судоў, судоў унутранага воднага транспарту, цягніковых брыгад, лакаматыўных брыгад міжнародных чыгуначных зносін;

— замежнікаў, якія ідуць транзітам праз тэрыторыю Беларусі для вяртання да месца жыхарства.

Хочаш падзяліцца важнай інфармацыяй ананімна і канфідэнцыйна?

3
Kate / Адказаць
26.03.2020 / 14:54
Толькі расіі там няма. Чакаем на канікулы турыстаў.
3
меркаванне / Адказаць
26.03.2020 / 15:00
А як яны даведаюцца, што яны абавязаны?
3
циник / Адказаць
26.03.2020 / 15:31
что это за шкловская чепуха такая, финт ушами, как они проконтролируют что они все будут будут сидеть дома в самоизоляции каждую минуту? и ехать они будут везде, а если они заражены то успеют позаражать многих людей. 
шкловское не может закрыть въезд из рф потому что низя с москвы не разрешают? а между тем в рф количество зараженных уже выходит на экспоненту. про италию, иран и вовсе нечего говорить. не может закрыть с рф так оставит всё нараспашку. 
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру