26.03.2020 / 17:40

У Гродне перакуліўся УАЗ медыцынскай дапамогі 2

Сёння, 26 сакавіка, каля 11 гадзіны дня на вуліцы Віленскай у горадзе Гродна перакуліўся аўтамабіль медыцынскай дапамогі, паведамляе ДАІ.

Кіроўца «УАЗа» рухаўся ў напрамку вуліцы Вялікая Траецкая. З яго слоў, аўтамабіль, што рухаўся наперадзе, стаў рэзка прытармажваць. Для таго, каб пазбегнуць сутыкнення, ён вывернуў руль направа і здзейсніў наезд на металічную агароджу. У выніку наезду на перашкоду аўтамабіль перакуліўся.

У салоне транспартнага сродку знаходзілася таксама і 62-гадовая работніца медыцынскай службы, якая атрымала цялесныя пашкоджанні і была дастаўлена ў бальніцу на абследаванне.

На месца здарэння выбывалі супрацоўнікі МНС, бо пасля перакульвання з машыны стала выцякаць паліва.

Хочаш падзяліцца важнай інфармацыяй ананімна і канфідэнцыйна?

NN.by

0
Кругом работающие пенсионеры / Адказаць
26.03.2020 / 18:03
Если просто УАЗ?!
1
Свабода / Адказаць
26.03.2020 / 19:48
2020 год, Гродна
Каб пакінуць каментар, калі ласка, актывуйце JavaScript у наладах свайго браўзеру