26.03.2020 / 18:17

Беларусбанк забараніў здымаць валюту з рублёвых картак 7

Беларусбанк прыпыніў з 14:00 26 сакавіка асобныя віды аперацый пры выкарыстанні банкаўскіх плацежных картак (іх рэквізітаў). Сярод іх — выдача замежнай валюты па рублёвых картках, пераводы з рублёвых карт на валютныя, папаўненне валютных картак беларускімі рублямі.

Гаворка ідзе пра такія аперацыі:

  • Выдача ў банкаматах банка і касах банка наяўнай замежнай валюты па картках у беларускіх рублях.
  • Выдача наяўнай замежнай валюты па картках іншых банкаў у касах і банкаматах банка.
  • Унясенне беларускіх рублёў з выкарыстаннем банкаматаў, інфакіёскаў і ў касы банка для папаўнення картак у замежнай валюце.
  • Ажыццяўленне аперацый пераводу ў замежнай валюце з прымяненнем картак (іх рэквізітаў) у беларускіх рублях.
  • Залічэнне беларускіх рублёў па аперацыях пераводу з прымяненнем рэквізітаў банкаўскіх картак на бягучыя (разліковыя) банкаўскія рахункі, доступ да якіх можа быць забяспечаны пры выкарыстанні банкаўскай аплатнай карткі ў замежнай валюце.
  • Папаўненне пры выкарыстанні банкаўскіх картак у беларускіх рублях, у інфакіёсках і каналах дыстанцыйнага банкаўскага абслугоўвання банка (Інтэрнэт-банкінг, М-банкінг) укладаў (дэпазітаў, у тым ліку Інтэрнэт-дэпазітаў), бягучых (разліковых) банкаўскіх рахункаў, адкрытых у замежнай валюце.
  • Прыпыненне асобных відаў аперацый распаўсюджваецца на карткі фізічных асоб.

Не абмяжоўваецца магчымасць здзяйснення аперацый па картках у беларускіх рублях:

  • аплаты пакупак у замежнай валюце ў арганізацыях гандлю (сэрвісу), у тым ліку інтэрнэт-крамах;
  • пагашэння крэдытаў банка ў касах, Інтэрнэт-банкінгу і мабільным банкінгу, выдадзеных раней у замежнай валюце;
  • выдачы наяўнай замежнай валюты ў іншых банках (у тым ліку за мяжой);
  • пакупкі Інтэрнэт-аблігацый, намінаваных у замежнай валюце.

Даступны перавод з укладных (дэпазітных) рахункаў у замежнай валюце грашовых сродкаў на карткі, выпушчаныя ў замежнай валюце.

Хочаш падзяліцца важнай інфармацыяй ананімна і канфідэнцыйна?

NN.by

0
Водар / Адказаць
26.03.2020 / 18:23
Я так понимаю, что в связи с эпидемией есть сложность доставки из штатов виртуальной валюты?
2
Сёма / Адказаць
26.03.2020 / 18:23
Ну вось і навошта? Рост бакса натуральна спыніўся, бо няма за што яго набываць. Бюджэтнікі з/п мінімальную атрымалі, на прадпрыемствах таксама ўсіх на мінімум перавялі. Зараз дэвальвуны на хлеб і ваду перасядуць, але хоць пару баксаў ды купяць.
1
циник / Адказаць
26.03.2020 / 18:31
таак, готовят потихоньку народик к жизни в северной корейке? без валюты зато с парадиками подчас чумы и работкой за 300р 
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру