Улады ЗША могуць перагледзець існуючыя прагнозы адносна развіцця сітуацыі з каранавірусам у бок паніжэння колькасці патэнцыйных выпадкаў заражэння і смерцяў, паколькі яны не пацвярджаюцца рэальнымі лічбамі з такіх краін, як Італія, Кітай і Паўднёвая Карэя. Пра гэта заявіла ў чацвер на брыфінгу для журналістаў каардынатар Белага дома па барацьбе з пашырэннем каранавіруса Дэбара Біркс, піша tass.ru.
Біркс прывяла прыклад, паводле якога пры выкарыстанні цяперашняй методыкі прагназавання ў Італіі павінна б было быць ужо парадку 400 тыс. смяротных выпадкаў. Паводле звестак Універсітэта Джонса Хопкінса, у Італіі зараз зарэгістравана больш за 80 тыс. выпадкаў заражэння, пры гэтым памерлі 8,2 тыс. чалавек.
«Мадэлі — гэта мадэлі, але мы зараз адаптуем іх да рэальнасці. У нас цяпер дастаткова звестак з нагоды рэальнай сітуацыі з каранавірусам у [розных] краінах, каб мы сапраўды змаглі зрабіць усе гэтыя прагнозы нашмат больш дакладнымі», — адзначыла Біркс.
Паводле яе слоў, брытанскія спецыялісты ўжо перагледзелі прагноз, паводле якога ў Злучаным Каралеўстве ад каранавіруснай інфекцыі могуць памерці да 500 тыс. чалавек. Гэтую лічбу знізілі да 20 тыс. Паводле таго ж прагнозу, у ЗША могуць загінуць да 2,2 млн чалавек. «Мы вельмі ўважліва вывучаем гэта, каб зразумець, як была ўнесеная такая папраўка», — паведаміла каардынатар.
У сваю чаргу дырэктар Нацыянальнага інстытута алергічных і інфекцыйных захворванняў ЗША Энтані Фаучы, выступаючы на тым жа брыфінгу, зноў не выключыў, што каранавірус можа стаць цыклічнай з'явай. Да гэтага, на яго думку, варта падрыхтавацца, у прыватнасці, неабходна стварыць эфектыўную вакцыну, на што, як чакаецца, сыдзе год ці паўтара.
У ЗША зафіксавана больш за 85 тыс. выпадкаў заражэння новым каранавірусам — больш, чым у любой іншай краіне. Памерлі звыш 1,2 тыс. чалавек.
