Учора паведамлялася, што «АСБ Беларусбанк» ўводзіць шэраг абмежаванняў, у тым ліку немагчыма будзе зняць валюту з карткі ў беларускіх рублях. Сёння на сайце Беларусбанка з'явіўся прэс-рэліз, у якім заяўляецца пра аднаўленне аперацый, прыпыненых з 14:00 26 сакавіка:
— па выдачы ў банкаматах банка і касах банка наяўнай замежнай валюты па картках, выпушчаным у беларускіх рублях;
— па выдачы наяўнай замежнай валюты па картках іншых банкаў у касах і банкаматах банка;
— па ўнясенні беларускіх рублёў з выкарыстаннем банкаматаў, інфакіёскаў і ў касы банка для папаўнення картак, выпушчаных у замежнай валюце;
— па ажыццяўленні аперацый пераводу ў замежнай валюце з прымяненнем картак (іх рэквізітаў), выпушчаных у беларускіх рублях;
— па залічэнні беларускіх рублёў па аперацыях пераводу з прымяненнем рэквізітаў банкаўскіх картак на бягучыя (разліковыя) банкаўскія рахункі, доступ да якіх можа быць забяспечаны пры выкарыстанні банкаўскай аплатнай карткі, адкрытыя ў замежнай валюце;
— па папаўненні пры выкарыстанні банкаўскіх картак, выпушчаных банкам у беларускіх рублях, у інфакіёсках і каналах дыстанцыйнага банкаўскага абслугоўвання банка (Інтэрнэт-банкінг, М-банкінг) укладаў (дэпазітаў, у тым ліку Інтэрнэт-дэпазітаў), бягучых (разліковых) банкаўскіх рахункаў, адкрытых у замежнай валюце.
