27.03.2020 / 16:44

У Баранавічах жанчыны ў масках абакралі пенсіянерак 1

Жанчыны ў масках абакралі за два дні дзвюх пенсіянерак у Баранавічах, паведамляе МУС.

24 сакавіка да жыхаркі Баранавіч пастукаліся ў хату дзве жанчыны, на тварах якіх былі медыцынскія маскі. Яны прапанавалі пенсіянерцы запісацца на бясплатную вакцынацыю ад грыпу. Бабуля запрасіла іх на кухню, каб запоўніць дакументы. У працэсе афармлення заяўкі адна з жанчын непрыкметна выйшла з кухні. Пасля запаўнення дакументаў гаспадыня кватэры пабачыла, што зніклі грошы. Яна звярнулася ў міліцыю.

Яшчэ адзін падобны крадзеж грошай здарыўся днём раней — 23 сакавіка. 73-гадовая гараджанка ня далічылася буйной сумы грошай пасля таго, як адлучылася з хаты на некалькі гадзін. У ходзе праверкі высветлілася, што ключ ад уваходных дзвярэй гаспадыня дома хавала на незамкнёнай верандзе. Аператыўнікі высветлілі, што падчас адсутнасці пенсіянеркі з яе дома выйшлі жанчыны ў ахоўных масках.

NN.by

Хочаш падзяліцца важнай інфармацыяй ананімна і канфідэнцыйна?

0
ugo / Адказаць
27.03.2020 / 21:59
У нас такія рэчы РЭГУЛЯРНА робяць цыгане (усё трэба называць так, як яно ёсць на самой справе, без так званай нацталерантнасцi). То прыходзяць "сацпрацаўнікі", то "пажарныя службы" і г. д. І, чамусьці ва ўсіх гэтых "службах" працуюць яны.
Каб пакінуць каментар, калі ласка, актывуйце JavaScript у наладах свайго браўзеру