У адным з барысаўскіх кафэ 39-гадовы гараджанін у прысутнасці сваёй непаўналетняй дачкі пабіў афіцыянта шкляной чаркай, паведамілі ў МУС.
У абедзенны час 23 сакавіка мужчына з дзяўчынкай прыйшлі ва ўстанову, дзе з ежай наведвальнік замовіў спіртное для сябе. Калі плаціў, бацька дзіцяці ўзяў са стала чарку і ўдарыў ёю афіцыянта. Той змог збегчы ад крыўдзіцеля. Апошні наўздагон шпурнуў посуд, але не трапіў. Затым наведвальнік сышоў, а персанал выклікаў міліцыю.
Мужчына раскаяўся і патлумачыў свае дзеянні тым, што яму нападпітку здалося, што афіцыянт паводзіў сябе груба.
Следчыя распачалі крымінальную справу.
