27.03.2020 / 22:07

У ЗША ўзніклі адмоўныя цэны на нафту 16

У ЗША попыт на нафту апусціўся да такога ўзроўню, што асобныя вытворцы вымушаныя даплачваць за разгрузку сховішчаў, перадае Bloomberg.

Цана мінус 19 цэнтаў за бараль была зафіксавана на гатунак нафты Wyoming Asphalt Sour. Кампанія Mercuria Energy Group Ltd. пачала прапаноўваць яе спажыўцам 19 цэнтаў за кожны бараль, вывезены са сховішча. 26 сакавіка цана аднавілася да $2 за бараль, пры тым што яшчэ ў канцы лютага кошт вагаўся ў раёне $25-27.

Wyoming Asphalt Sour — сярністая нафта, якая здабываецца ў штаце Ваёмінг. Звычайна яе выкарыстоўваюць для вытворчасці бітуму і асфальту. З-за вялікага аб'ёму прымешак, у першую чаргу серы, яе складана перапрацоўваць, што абумоўлівае яе значна больш нізкі кошт у параўнанні з эталоннымі гатункамі.

NN.by

Хочаш падзяліцца важнай інфармацыяй ананімна і канфідэнцыйна?

4
Ваўкалак / Адказаць
27.03.2020 / 22:10
Вось па гэтым кошце з усходу можна было б купляць.
3
0101 / Адказаць
27.03.2020 / 22:13
Паважаная НН.Паведаміце калі з явяцца адмоўныя кошты на бензін. 
3
любите родину мать вашу / Адказаць
27.03.2020 / 22:17
калісьці пажартаваў наконт адмоўнага кошту нафты, пры якім вытворцы-прадаўцы будуць яшчэ даплочваць пакупнікам, толькі каб забралі, і вось - на табе, ажыцьцявілася!)) у сьвеце нічога не бывае немагчымага
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру