28.03.2020 / 12:20

Сямён Шапіра расказаў, як стаў гаспадаром дзвюх кватэр у элітным «Алімпік Парку» агульным коштам каля $250 тысяч 23

Былы кіраўнік Мінскай вобласці Сямён Шапіра стаў гаспадаром дзвюх суседніх кватэр у адным з дамоў у «Алімпік Парку» — жыллёвым комплексе каля заказніка «Лебядзіны».

Дом з кватэрамі Шапіры справа, фота Надзеі Бужан

Як стала вядома «Нашай Ніве», яму належаць двое суседніх апартаментаў плошчай 100 м2 і 63 м2 адпаведна.

Агульны рынкавы кошт гэтага жылля складае каля $250 тысяч.

Сямён Шапіра, фота Сяргея Гудзіліна

«Я ўпершыню ў жыцці пабудаваў сабе кватэру! Я жыў у бацькі. Ён (эканаміст Барыс Шапіра — Рэд.) памёр [год таму], цяпер я ў ягоным доме жыву.

У Гродне жыў у інтэрнаце палову часу [пакуль быў кіраўніком аблвыканкама], потым там пабудавалі дом для губернатара, я там паўгода пажыў. У Мінсельгасе пяць гадоў жыў у гасцініцы з жонкай і маленькімі дзецьмі», — тлумачыць «Нашай Ніве» Сямён Шапіра.

Былы чыноўнік расказвае, што калі яшчэ працаваў у Федэрацыі хакея, узяў крэдыт у БПС-Сбербанку на адну з кватэр — 213 тысяч рублёў на 19 гадоў.

«Алімпік Парк», фота Надзеі Бужан

«Абвалу рубля не радуюся, крый Божа! Хаця тое, што крэдыт у рублях, гэта плюс. Але ўсё астатняе за дэвальвацыяй будзе даражаць, так што плюсаў няма», — разважае Шапіра.

Другую кватэру ў «Алімпік Парку» яму падарыў брат.

«Андрэй не багаты чалавек, але ў нас памёр бацька, і трэба было ўрэгуляваць спадчынныя адносіны — хто каму што павінен. Таму прынялі рашэнне аформіць на мяне кватэру, я яе буду прадаваць», — расказаў Сямён Шапіра.

***

Сямён Шапіра

Нарадзіўся ў 1961 годзе ў вёсцы Рачэнь на Любаншчыне ў сям’і навукоўца-аграрніка Барыса Шапіры. Закончыў Беларускі дзяржаўны інстытут народнай гаспадаркі. Працаваў у калгасах Дзяржынскага раёна, пасля ў структуры Міністэрства сельскай гаспадаркі (1999-2004). Дырэктар агракамбіната «Дзяржынскі» (2004-2008), міністр сельскай гаспадаркі (2008-2010), старшыня Гродзенскага аблвыканкама (2010-2013), старшыня Мінскага аблвыканкама (2013-2017), кіраўнік Федэрацыі хакея Беларусі (2017-2018). Да нядаўняга часу працаваў у дырэкцыі «Віталюра». Жанаты, мае дачку і сына.

Чытайце:

Сямён Шапіра расказаў, чаму сышоў з дзяржслужбы і чым займаецца цяпер

Кіраўнік ДАІ купіў таўнхаус у «Лебядзіным» за $290 тысяч. Іншы пакупнік аддаў за такое жыллё $450 тысяч

Ліберал, які стаў жандарам. Гісторыя жыцця Сямёна Шапіры

Арцём Гарбацэвіч

Хочаш падзяліцца важнай інфармацыяй ананімна і канфідэнцыйна?

86
Nokia / Адказаць
28.03.2020 / 12:28
І што тут такога? Вось у дэкларацыі былога кіраўніка АП Украіны Богдана толькі 10 недабудаваных кватэр (!!!) У элітных ЖК, дамы ў краіне і за мяжой, мільёны на рахунках і на руках.
6
Свободный / Адказаць
28.03.2020 / 13:00
Nokia, дааа а у простогл человека только уй и пиццрт
5
меркаванне / Адказаць
28.03.2020 / 13:43
Nokia, з богданам хай ва Ўкраіне разбіраюцца, а тут з шапірамі і рознымі карзюкамі з сідорскімі. А ў трампаў яшчэ больш усяго, дык і лукашэнак будзем з імі параўноўваць?
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру