28.03.2020 / 12:38

74-гадовага экс-работніка Міністэрства абароны пакараюць за абразу беларускай мовы 34

Адміністрацыя Цэнтральнага раёна Мінска рыхтуе справу аб адміністратыўным правапарушэнні, якое здзейсніў 74-гадовы Уладзімір Кажэўнікаў, былы работнік Міністэрства абароны Беларусі.

Уладзімір Кажэўнікаў. Фота vsr.by

Жыхар Гомеля Яўген Скочка звярнуў увагу на брыдкія выказванні Кажэўнікава ў фэйсбуку. Былы журналіст адмаўляў беларускай мове ў існаванні, называў яе выродлівай руска-польскай мешанінай.

За публічную абразу беларускай мовы Кажэўнікаў можа быць пакараны штрафам у памеры ад 4 да 10 базавых велічыняў.

Уладзімір Кажэўнікаў родам з Яраслаўля (Расія). У 2015 годзе Кажэўнікаў, працуючы ў Міністэрстве абароны, пісаў, што Беларусь з’яўляецца часткай «рускага свету», а назву краіны ён прынцыпова пісаў «Белоруссія». У хуткім часе ён быў звольнены з інфармацыйнага агенцтва «Ваяр». Зарабляе грошы, пішучы сцэнары для расійскіх стужак. Жыве ў Маскве.

Чытайце. Былы работнік сайта Мінабароны распускаў чуткі пра сотні загінулых у «Арэна-Сіці»

NN.by

Хочаш падзяліцца важнай інфармацыяй ананімна і канфідэнцыйна?

9
KaliLaska / Адказаць
28.03.2020 / 12:43
Мяркуючы па тым, што ў ваеннай газеце зноў друкуюць розную брыдоту, то ў Кажэўнікава засталіся добрыя вучні.
15
Devil / Адказаць
28.03.2020 / 12:45
Карайце ўжо іх на 1000 базавых!
13
Максим / Адказаць
28.03.2020 / 12:54
Типичный оккупант.
Паказаць усе каментары/ 34 /
Каб пакінуць каментар, калі ласка, актывуйце JavaScript у наладах свайго браўзеру