28.03.2020 / 13:07

Кітай забараніў уезд замежных грамадзян 10

Гэты крок мае прадухіліць рызыку занясення каранавіруса з-за мяжы.

З 28 сакавіка Кітай забараніў замежным грамадзянам з візамі ці дазволам на жыхарства ўязджаць у краіну і рэзка абмежаваў авіязлучэнне з замежжам.

Пандэмія каранавіруса пачалася з Кітая ў снежні, але краіне ўдалося спыніць яго распаўсюд, практычна спыніўшы эканамічнае жыццё ў многіх рэгіёнах краіны з 24 студзеня да сакавіка. Паводле ацэнак экспертаў, валавы эканамічны прадукт краіны ў першым квартале можа скараціцца нават на 10-11 працэнтаў.

У інтэрв'ю часопісу Science Джордж Гао, генеральны дырэктар Кітайскага цэнтра кантролю і прафілактыкі хвароб, заклікаў людзей масава насіць маскі, каб спыніць распаўсюд віруса.

«Вялікая памылка ЗША і Еўропы, на маю думку, што людзі не носяць масак, — сказаў Гао. — Многія людзі могуць быць бессімптомнымі ці прэсімптомнымі носьбітамі інфекцыі. Калі б яны насілі маскі, кропелькі з вірусам не разляталіся б вакол іх і вірус не заражаў бы іншых».

Апошнія дні ўсе выяўленыя выпадкі каранавіруса ў Кітаі былі звязаныя з людзьмі, якія вярнуліся з-за мяжы. У апошні час у Паднябеснай штодзень рэгіструюцца па 30-75 выпадкаў інфекцыі. І працягваюць паміраць людзі, якія заразіліся падчас першай хвалі пандэміі.

Усяго ў свеце колькасць ахвяр каранавіруса перавысіла 27 тысяч чалавек.

СГ

Хочаш падзяліцца важнай інфармацыяй ананімна і канфідэнцыйна?

2
Axel Justas / Адказаць
28.03.2020 / 13:35
Можа трохі і не ў тэму, але чаму кітайцы так зацыкленыя на масках. У 2008 годзе амерыканская амбасада ў Пекіне ўсталявала прыладу на сваім даху, якая штогадзіну мерыла якасць паветра і публікавала ў Твіттары. Тады як кітайскія афіцыйныя дадзеныя былі кшталту 'сярэдне за пазамінулы год', амерыканскія замеры паказалі, што вялікую колькасць дзён забруджванне ў разы пераўзыходзіла ўсе магчымыя нормы. Кітайцы адказалі ў сваім стылі - аб'явілі ўсталяванне па-за законам (на тэрыторыі ЗША, якой з' яўляецца амбасада?!), заблакавалі Твіттар ну і г.д. Але інфармацыю пра праблему ўжо было не спыніць, і ўрэшце ўлады вымушаны былі нешта рабіць у гэным кірунку. А прылада, дарэчы, дагэтуль 'бамбіць' замеры.
7
Жвір / Адказаць
28.03.2020 / 13:51
Infekavali ūvies` sviet i začynilisia. Malajcy ! Vos, u svoj cas, treba bylo ūsiamu svietu začynicca ad Kitaja, dyk i na mieli b ciapier prabliemau.
4
Кругом работающие пенсионеры / Адказаць
28.03.2020 / 16:45
Китайцы подорвали экономику всех стран. Нам теперь расхлёбывать. От куда всё это пошло?! Когда предали это огласке?! Тянули до последнего!!!
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру