29.03.2020 / 19:10

Лідарка апазіцыі ў Польшчы спыніла прэзідэнцкую кампанію і заклікала байкатаваць выбары 2

Малгажата Кідава-Блоньска, адна з апазіцыйных кандыдатаў на маючых адбыцца прэзідэнцкіх выбарах у Польшчы, абвясціла пра прыпыненне выбарчай кампаніі. Кандыдатка на пасаду прэзідэнта ад правацэнтрысцкай «Грамадзянскай кааліцыі» заклікала ўсіх польскіх грамадзян не ўдзельнічаць у выбарах 10 мая, паведамляе TVN.

Першы тур прэзідэнцкіх выбараў у Польшчы павінен адбыцца 10 мая. Апазіцыя неаднаразова патрабавала адкласці гэты тэрмін з-за распаўсюджвання каранавіруса.

Звяртаючыся да сваіх апанентаў, Кідава-Блоньска падкрэсліла, што цяпер самы час выразна і ясна сказаць, што 10 мая прэзідэнцкія выбары не могуць адбыцца.

— Я цалкам прыпыніла сваю кампанію. Я буду займацца толькі тым, што рабіла да гэтага часу, гэта значыць я буду выконваць задачы, якія стаяць перад польскім дэпутатам, — дадала яна.

«Як нацыя, як супольнасць, мы сутыкнуліся з небяспекай, якая з'яўляецца беспрэцэдэнтнай у нашай нядаўняй гісторыі. Жыццё, здароўе і дабрабыт полек і палякаў знаходзяцца пад пагрозай. Сёння ў Польшчы няма іншай задачы, акрамя як змагацца з эпідэміяй і яе наступствамі», — напісала Кідава-Блоньска.

На яе думку, «у гэтай сітуацыі арганізацыя прэзідэнцкіх выбараў была б злачынствам».

NN.by

Хочаш падзяліцца важнай інфармацыяй ананімна і канфідэнцыйна?

3
Аnita / Адказаць
29.03.2020 / 19:40
У нас, даже если камни с неба на голову будут падать и земля под ногами разверзнется, выборы не отменят.
2
Алесь Тыбульскi / Адказаць
29.03.2020 / 20:13
Аnita, як можна адмяніць тое, чаго няма? Нават, калі ніводнага чалавека не прыйдзе на выбары, аб'явяць што ўсе прыйшлі ды 90% прагаласавала самі знаеце за каго.
Каб пакінуць каментар, калі ласка, актывуйце JavaScript у наладах свайго браўзеру