Іспанскі оперны спявак Пласіда Дамінга шпіталізаваны ў мексіканскім горадзе Акапулька з каранавірусам. Пра гэта паведамляе CNN.
Прадстаўнік легендарнага 79-гадовага тэнара удакладніў тэлеканалу, што Дамінга трапіў да дактароў з-за ускладненняў. Цяпер у яго ўсё добра, ён рэагуе на лячэнне і ідзе на папраўку, запэўніў ён.
22 сакавіка стала вядома, што ў іспанскага опернага спевака Пласіда Дамінга выявілі каранавірус. Тэнар распавёў, што разам з сям'ёй ён знаходзіцца ў самаізаляцыі. Усе яго родныя адчуваюць сябе добра, аднак у самога Дамінга быў кашаль, паднялася тэмпература, у сувязі з чым ён і вырашыў здаць тэст на інфекцыю.
0
0
0
0
0
0
