31.03.2020 / 16:11

Работнікі санаторыя ў Лепелі: У нас адпачываў расіянін з каранавірусам, але нібыта ўжо вылечыўся 9

Грамадзянін Расіі са станоўчым тэстам на каранавірус паспеў пабываць у Лепельскім вайсковым санаторыі. Гэтую інфармацыю «Нашай Ніве» пацвердзілі ў арганізацыі.

Фота: turcentr.by

«Ён прыехаў 16 сакавіка, а 20 сакавіка яго паклалі ў бальніцу ў Лепелі. Кажуць, ён адлячыўся ў бальніцы і ўжо з'ехаў, — расказалі ў санаторыі. — Ніхто з нашых больш не заразіўся, але да 8 красавіка ўведзены каранцін».

У Лепельскай цэнтральнай бальніцы не каментуюць гісторыю. 

«Вы такую інфармацыю даведвайцеся ў Лепельскім вайсковым санаторыі, і хай яны каментуюць. Я не магу па тэлефоне казаць, ці праўда гэта альбо не праўда», — адказаў «Нашай Ніве» галоўны доктар Ілля Шандалесаў.

Прэс-сакратарка Міністэрства аховы здароўя Юлія Барадун на працягу двух дзён не адказвае на тэлефанаванні карэспандэнта «Нашай Нівы». Яна прачытвала паведамленні ў мэсэнджары, але не адрэагавала на іх.

Хочаш падзяліцца важнай інфармацыяй ананімна і канфідэнцыйна?

NN.by

4
Кругом работающие пенсионеры / Адказаць
31.03.2020 / 17:15
Гречка вылечивает вирус?!
4
Пятрок / Адказаць
31.03.2020 / 17:26
Але ж грошаў, напэўна, прывёз...
5
Кругом работающие пенсионеры / Адказаць
31.03.2020 / 18:29
В санаториях РБ отдыхает очень много русских. 
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру