Фота Вадзіма Заміроўскага
З 6 па 30 красавіка ўключна аквапарк «Лебядзіны» зачыняецца на прафілактычныя працы. Пра гэта Tut.by паведамілі ў забаўляльным комплексе.
Аквапарк зачыніцца на традыцыйныя прафілактычныя працы. Характэрна, што раней прафілактыку праводзілі ў верасні, а не як цяпер у красавіку.
За тры тыдні ў аквапарку цалкам абновяць ваду ва ўсіх басейнах і правядуць генеральную ўборку. Тут таксама плануюць часткова замяніць плітку, перафарбаваць сцены, адрамантаваць столь у водна-тэрмальнай зоне і ліквідаваць дробныя эксплуатацыйныя дэфекты.
Такое планавае закрыццё праводзіцца кожны год для камфорту і бяспекі наведвальнікаў.
