30.03.2020 / 17:09

Тэлеканал АНТ прапанаваў сродак ад каранавіруса — соду! 24

Дзяржаўны тэлеканал АНТ на сваёй старонцы ў інтэрнэце даў рэцэпт, як змагацца з каранавірусам. «Прарыўны» метад параіла расійскі дыетолаг Марыят Мухіна. Яна сцвярджае, што карыснай у змаганні з каранавірусам будзе… сода.

«Спецыяліст па харчаванні патлумачыла, што каранавірус дзейнічае ў сукупнасці з штучна створанай бактэрыяй у ЗША «Сінція», якая была створана пасля маштабнага разліву нафты ў Мексіканскім заліве. Звыклымі метадамі сабраць яе было немагчыма. Бактэрыя з'ядае вугляродныя злучэнні», — гаворыцца ў публікацыі.

Зразумела, што гэта псеўдаметады народнай медыцыны, якія не маюць нічога супольнага з рэальным станам рэчаў. Медыкі з усяго свету пакуль не знайшлі лекаў ад каранавіруса, а на падобных рэцэптах зарабляюць толькі шарлатаны.

Выглядае, што навіна была перадрукаваная з нейкага трэцяраднага расійскага сайта, які штампуе фэйкі.

Прэс-сакратаркі АНТ Ірыны Рамбальскай на працы не было, каб яна магла пракаментаваць гэты інцыдэнт.

Генеральны дырэктар тэлеканала Марат Маркаў спачатку паабяцаў растлумачыць, як на сайце АНТ апынулася фэйкавая навіна, а пасля проста заблакаваў нумар карэспандэнта «НН».

У хуткім часе пасля таго, як навіну расцягнулі тэлеграм-каналы і карыстальнікі сацыяльных сетак, яна знікла з сайта АНТ, але кэш памятае гэты артыкул.

ЗП

Хочаш падзяліцца важнай інфармацыяй ананімна і канфідэнцыйна?

1
Like Belarus / Адказаць
30.03.2020 / 17:20
[Рэд. - выдалена]
1
Логистик / Адказаць
30.03.2020 / 17:29
Канал на три буквы)))
1
kronon / Адказаць
30.03.2020 / 17:29
"Цудадзейныя" сродкi ад каранавiрусу:
1) трактар
2) гарэлка
3) лазня
4) хакей (паводле Лукашэнкi)
5) спатканнi (паводле Каранiка)
6) сода (паводле АНТ) 
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру