31.03.2020 / 10:51

У 35 гадоў памёр беларускі акцёр Гарык Вепшкоўскі. У яго з дзяцінства былі праблемы з сэрцам 5

дапоўнена

Сёння, 31 сакавіка 2020 года памёр акцёр мінскага Маладзёжнага тэатра Гарык Вепшкоўскі. Пра гэта TUT.BY паведамілі яго калегі, інфармацыю пацвердзілі і ў тэатры.

Фота з фэйсбука

— Ён паехаў у Брэст да бацькоў. Там тэмпература 40 градусаў, дрыжыкі, кашаль. І падняўся ціск, — паведамілі TUT.BY калегі Вепшкоўскага спачатку.

Аднак сваякі, у якіх ён гасцяваў, кажуць, што ніякіх прыкмет рэспіраторнай інфекцыі ў яго не было, але падняўся ціск — у Гарыка з дзяцінства былі праблемы з сэрцам:

— Ні тэмпературы, ні кашлю, нічога ў яго не было. У яго быў толькі высокі ціск. Учора ён наведаў двух дактароў. Спачатку яму збілі ў паліклініцы ціск. Яму пасля прыёму стала зноў горш. Яго павезлі ў прыватны медцэнтр. Думалі, можа там дапамогуць. Яму там сказалі папіць лекі і адправілі дадому. Уначы ён пайшоў спаць і ў сне памёр, — распавялі TUT.BY сваякі.

Гарык Вепшкоўскі нарадзіўся ў 1985 годзе ў Брэсце. Скончыў Брэсцкі музычны каледж імя Шырмы. Працаваў у Брэсцкім тэатры драмы, у Рэспубліканскім тэатры беларускай драматургіі, з 2018 года — у Моладзевым тэатры.

Здымаўся ў серыялах, у 2014 годзе зняў кароткаметражны фільм «Падарунак».

Пра месца і час развітання будзе паведамлена дадаткова.

Хочаш падзяліцца важнай інфармацыяй ананімна і канфідэнцыйна?

2
Той самы / Адказаць
31.03.2020 / 11:11
Спачуваньні.

Гэта вядомыя людзі, іх сьмерць не замаўчаць, а што казаць аб невядомых...
46
шлёма / Адказаць
31.03.2020 / 11:30
Умер, но не от коррновируса, если умер Дашкевич так НН и написала, что от короновируса, но официального подтверждения пока нет.
1
Kate / Адказаць
31.03.2020 / 12:31
шлёма, перадай куратару, што тролі накшталт цябе адно толькі больш злуюць. Як вас, дарэчы, на карантын адправілі ці ў опен спейсе сядзіце бо "вірусу няма"?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру