01.04.2020 / 12:34

Шэрынг самакатаў расказаў пра дадатковыя функцыі, якія з'явяцца ў новым сезоне 6

У сакавіку пачаўся новы сезон шэрынгу электрасамакатаў. «Наша Ніва» распытала ў кікшэрынгу «Eleven» пра новаўвядзенні і тое, як кампанія працуе ва ўмовах каранавіруса.

фота Надзеі Бужан

У шэрынгу расказалі, што іх паслугамі цяпер карыстаюцца актыўна, бо самакат цяпер — самы бяспечны транспарт для тых, хто не хоча карыстацца грамадскім транспартам, каб кантактаваць з іншымі падчас паездкі.

«Адзіная наша парада — апрацоўваць рукі пасля паездкі, а лепш — ездзіць у аднаразовых гумовых пальчатках. Мы апрацоўваем ручкі самакатаў, калі ставім іх на зарадку. Зразумела, што не можам рабіць гэта кожны раз, таму рэкамендуем мыць рукі пасля паездкі». 

У кампаніі таксама распавялі, што ўсю каманду распрацоўкі перавялі на аддаленую працу яшчэ ў сярэдзіне сакавіка. 

«Што тычыцца каманды з 15 чалавек, якая абслугоўвае парк самакатаў — яе перавесці на аддаленую працу немагчыма, — расказваюць у шэрынгу. — Каб засцерагчы калегаў, мы закупілі сэптыкі, каб рэгулярна праціраць рукі.

Таксама ж у кампаніі закупілі тэрмометры: мераюць тэмпературу перад зменай і пасля, а людзі, якія зараджаюць самакаты, ездзяць у машынах па адным (у звычайны час ездзілі ўдвух).

У новым сезоне кампанія плануе дазволіць кліентам арандаваць да пяці самакатаў з аднаго тэлефона, увесці рэжым паўзы, бронь двух самакатаў да 15 хвілін і сканаванне аплатнай карты для больш зручнай рэгістрацыі. Летам Eleven плануе павялічыць парк у два разы.

Тым часам шэрынг Kolobike яшчэ не пачаў новы сезон.

КВ

Хочаш падзяліцца важнай інфармацыяй ананімна і канфідэнцыйна?

0
Вецер валос. / Адказаць
01.04.2020 / 13:09
Гэта добра!
6
Strannik_by / Адказаць
01.04.2020 / 14:01
 Какие, нафик, самокаты! Через 3-5 уж тонко не до самокатов будет
11
Партизан / Адказаць
01.04.2020 / 15:28
А назвать это прокатом нельзя? Еще чуть чуть и своего языка лишимся. Почему то они свое слово шеринг не меняют наше прлкат, берегут свой язык и культуру.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру