31.03.2020 / 15:20

У калоніі ў Оршы загінуў зняволены: павесіўся на сваёй робе ў ШІЗА 7

25 сакавіка ў штрафным ізалятары аршанскай выпраўленчай калоніі №8 быў знойдзены павешаным 27-гадовы Дзмітрый Сёмчык.

«Наша Ніва» звязалася з яго маці. Жанчына распавяла, што яе сын атрымаў тэрмін у Расіі, куды паехаў на заробкі. Дзмітрыя затрымалі ў Сочы, асудзілі на 9 гадоў за распаўсюд наркотыкаў.

Чатыры гады Сёмчык адсядзеў у Расіі, а летась яго перавялі ў Беларусь. Змясцілі ў аршанскую калонію №8.

«Дзіма вельмі хацеў, каб яго перавялі ў Беларусь, хаця і казаў пасля, што ў Расіі яму сядзелася лягчэй, — кажа Ірына, маці загінулага.

— Але ж тут у яго я, брат, тут 5-гадовая дачка… Я два разы была на спатканні з сынам. Ён казаў, што ўсё нармальна, асабліва не скардзіўся. У лістах таксама нічога такога не паведамляў…»

Апошні ліст Дзмітрый напісаў 23 сакавіка. Ірына атрымала яго ў дзень смерці сына. Звычайны ліст, «усё было выдатна».

А 27 сакавіка жанчыне паведамілі, што яе сын павесіўся ў ШІЗА на ўласнай робе.

«Я пакуль не гатовая падрабязна гаварыць на гэтую тэму. Я хачу, каб у сітуацыі разабраліся, — кажа маці Дзмітрыя. — Чакаю адказ ад Следчага камітэта, пракуратуры, Дэпартамента выканання пакаранняў. Я звярнулася ва ўсе інстанцыі, усё ім патлумачыла.

Следчы камітэт Аршанскага раёна вядзе раследаванне, але я хачу, каб справу перадалі мінскім следчым. Бо баюся, што аршанскі СК будзе штосьці хаваць. Чаму я так думаю? Бо два дні хавалі, што Дзіма памёр, а пасля ў моргу нам не хацелі паказваць яго без грыму».

Ірына кажа, што ў моргу яна ўбачыла на целе сына сляды збіцця.

«У мяне ёсць усе фота. У яго зламаныя рукі былі, гематомы… І калі мне не павераць і будзе трэба, то я гатовая да эксгумацыі цела.

У калоніі мяне заверылі, што гэта быў суіцыд. Выканаўца абавязкаў начальніка калоніі, яшчэ не маючы ніякіх дакументаў, мне катэгарычна заявіў: сто працэнтаў, што ваш сын павесіўся сам,— згадвае жанчына. — Пра сляды збіцця адміністрацыя калоніі ўчора адказала па тэлефоне майму старэйшаму сыну: ніякіх пабояў не было».

Цяпер яна чакае, што адкажа Следчы камітэт і кіраўніцтва Дэпартамена выканання пакаранняў. Там жанчыне абяцалі разабрацца ў сітуацыі.

«Наша Ніва» таксама пагаварыла з былым асуджаным Дзянісам, які сядзеў з Сёмчыкам амаль 10 гадоў таму. Тады Дзмітрый адбываў пакаранне за хуліганства ў калоніі №2 у Бабруйску.

«Я Дзіму памятаю, харошы быў хлопец. Ён сядзеў за хуліганку, ці то год яму далі, ці то два. У яго канфліктаў ніколі не было, ні з адміністрацыяй, ні са зняволенымі. Так, у ШІЗА часам трапляў, але за маленькія касякі, кшталту нявыхаду ў сталовую. Ён не быў блатным, не «ламаў рэжым», — кажа Дзяніс.

— Цяпер я даведаўся, што ён загінуў у ШІЗА… Гэта вельмі дзіўна. На маю думку, здзейсніць суіцыд ён мог у адзіным выпадку, калі яго «апусцілі». Але ж Дзмітрый сядзеў у Расіі, дзе норавы ў калоніях больш суворыя, чым у нас, там сочаць за паняццямі. І ў Расіі праблем з блатнымі ў яго не было. Таму не думаю, што ён быў апушчаны.

Ведаю, што часам зэкі адмыслова «закрываюцца» на ШІЗА, бо весь «блаткамітэт» зоны там знаходзіцца. І «просты» зэк можа сам пастарацца, каб яго закрылі ў ШІЗА за нейкае дробнае парушэнне на пару дзён у выпадку, калі яму трэба вырашыць нейкія пытанні з кімсьці з блатных.

Таксама пісалі людзі, што ў Дзімы нібыта былі зламаныя рукі і пальцы. Ламаюць рукі на зоне за «крысятніцтва», калі чалавек штосьці крадзе. Але зноў жа — на Дзіму гэта было не падобна, не думаю, што ён пайшоў бы на крадзеж».

Пахавалі Дзмітрыя Сёмчыка 28 сакавіка.

 

Хочаш падзяліцца важнай інфармацыяй ананімна і канфідэнцыйна?

УШ

64
Вован number one / Адказаць
31.03.2020 / 16:06
Редакция, перестаньте писать об осуждённых как о героях! Фу-это мерзко. Тем более этот тип. Он сидел не за ДТП со смертельным исходом и даже не за взятку. Он - торговец смертью!!!
10
Jordan / Адказаць
31.03.2020 / 16:29
Вован number one, при чём тут геройство? Наша тюремная система настолько убога, что ты даже досидеть свой срок не можешь. Тюрьма в нормальных странах - это место исправления, чтобы ты вышел оттуда не забитым животным, а человеком, который хоть что-то переосмыслил. 
9
NavuchencaBK / Адказаць
31.03.2020 / 16:43
Вован number one,
журналісты пішуць не пра асобу, а пра з'яву ў грамадзтве.
Калі не падабаецца, не чытайце.
А калі безпрадзел не асьвятляць, рызыкуяце стацца ягонае наступнае ахвярай.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру