26.03.2009 / 11:11

Краіны ЕС у патрэбе атрымліваюць гіганцкія крэдыты 1

Дасягнутая дамоўленасць аб выдзяленні Румыніі аж 27 млрд даляраў на льготных умовах.

Дасягнутая дамоўленасць аб выдзяленні Румыніі аж 27 млрд даляраў на льготных умовах.

Еўрасаюз, Міжнародны валютны фонд, Сусветны банк і Еўрапейскі банк рэканструкцыі і развіцця дасягнулі дамоўленасці з румынскім урадам на выдзяленне краіна 20 млрд еўра, ці то 27 млрд даляраў на барацьбу з наступствамі эканамічнага крызісу. Гэтая навіна рэзка павысіла каціроўкі акцый румынскіх прадпрыемстваў, а курс румынскага лея папоўз уверх.

Краіны Еўрасаюзу, абароненыя механізмам узаемадапамогі, атрымліваюць нашмат больш сродкаў у крызісныя моманты, чым краіны СНД, дзе крызіс нават больш выяўны. 25 мільярдаў даляраў сабралі ў пакет дапамогі Венгрыі, каля 10 мільярдаў паабяцана Латвіі. Сербія, што вядзе перамовы з ЕС пра статус краіны‑кандыдата, атрымае толькі каля 3,7 мільярда даляраў.

Нагадаем, што Беларусі МВФ паабяцаў 2,5 мільярда даляраў. Яшчэ 2 мільярды Мінску вылучала Расія, 0,5 мільярда — Венесуэла.

Цяжкія праблемы зведвае таксама эканоміка Украіны.

У той жа час некаторыя краіны захоўваюць захапляльны запас трываласці перад крызісам: гаспадаркі Польшчы, Славаччыны, Славеніі, Фінляндыі працягваюць хоць і сцішаны, але рост.

Мікола Бугай

0
wint / Адказаць
26.03.2009 / 12:58
А тут аўтар крычэў, што наадварот шмат грошаў набіраем: http://nn.by/index.php?c=ar&i=24476 Неяк ужо вызначыцца трэба. :) А то і бярэш - дрэнна, і не бярэш - дрэнна, і многа - дрэнна, і мала - дрэнна. Аўтар нагадвае аднаго пэрсанажа з "Выспы скарбаў", як увесь час паўтараў: "І ўвогуле мне нічога не падабаецца!" Аўтар. Асабіста я лічу, што кепска робіць і беларуская адміністрацыя, і румынскі ўрад. Жыць трэба па сродках.
Каб пакінуць каментар, калі ласка, актывуйце JavaScript у наладах свайго браўзеру